Holger Badstuber () er ein tysk tidlegare fotballspelar som spelte for Bayern München i tysk Bundesliga frå 2009 til 2016. Midtstopparen deltok i 31 av Tyskland sine landskampar i tida 2010-15.
Karriere Landslagsspel Badstuber vart teken ut til Tyskland sin tropp til fotball-VM i 2010 før han hadde spelt nokon A-landskampar. Han debuterte for landslaget 29. mai, som innbytar i ein privatlandskamp mot Ungarn. Under VM i Sør-Afrika spelte han som venstreback i dei to første gruppekampane til Tyskland, mot Australia og Serbia, men vart så sett ut av laget for resten av turneringa. Han skåra det einaste landslagsmålet sitt i ein EM-kvalifiseringskamp mot Aserbajdsjan, 7. september 2010. Badstuber spelte alle fem kampane då Tyskland nådde semifinalen i Fotball-EM 2012, der det vart tap 1-2 mot Italia. Etter 2012 fekk han ein einsleg landskamp i mars 2015, hans 31.
Merittar VM-bronse: 2010 for Tyskland EM-semifinale: 2012 for Tyskland
Kjelder eu-football
Kategori:Tyske fotballspelarar Kategori:Bayern München-spelarar Kategori:Stuttgart-spelarar Kategori:Spelarar i Fotball-VM 2010 Kategori:Spelarar i Fotball-EM 2012 Kategori:Schalke-spelarar Kategori:Luzern-spelarar