Thorleif Schjelderup () var ein norsk skihoppar og forfattar frå Oslo. Ferdinand Schjelderup var far hans. Han var 1940-44 gift med Sossen Krohg. Seinare var han gift med Anne Brown. På 1970-talet budde han fleire år i Stockholm, saman med operasongaren Ranveig Eckhoff.
Skihoppar Schjelderup vann sølvmedaljen under NM-hopprennet i 1947, 0,7 bak overraskingsmannen Henry Amdahl. Under det spesielle hopprennet i Vinter-OL 1948 vann Schjelderup bronsemedaljen bak landsmennene Petter Hugsted og Birger Ruud. Same året vart han nummer to i Holmenkollrennet, bak Arne Hoel, men på plassen føre olympiameisteren Hugsted, samt han fekk bronse under noregsmeisterskapen, delt med Birger Ruud. Schjelderup var den første nordmann som hoppa over 100 meter på ski. Han var instruktør for det norske hopplandslaget frå 1957 til-62.
Besteplasseringar i internasjonale meisterskap og renn 1948: OL-bronse i St. Moritz. Nr 2 i Holmenkollen 1949: Nr 12 i Holmenkollen 1950: Nr 11 i Holmenkollen 1951: Nr 5 i Holmenkollen 1953: Nr 13 i Holmenkollen
Medaljar og besteplasseringar i noregsmeisterskap 1946: Nr 6 1947: Sølvmedalje 1948: Bronsemedalje på Lillehammer
Forfattarskap Schjelderup dreiv eit omfattande friluftsliv, mellom anna var han, som far sin, medlem av Norsk Tindeklub. Han skreiv fleire bøker om friluftsliv og reiseliv. Tidleg tok han i bruk smalfilm, reiste i mange år rundt og viste film og kåserte.
Bibliografi Fra sprøytehopp til Planica, 1950 Du skulle forføres : noen tanker om frihet, 1952 Alt om skihopping, 1956 Hvordan planlegges samfunnet : orientering for ungdom om regionplanlegging, 1969 Thorleif Schjelderup & Rolf Vik: Miljøvern, 1973. Hva er galt med oss?, 1976 Så langt øyet kan se., 1979 Mitt hjerte til Vestlandet., 1981
Kjelder P. Chr. Andersen: Den nye olympiaboken. Oslo, 1957 Bibsys
Kategori:Norske skihopparar Kategori:Olympiske bronsemedaljevinnarar for Noreg Kategori:Olympiske medaljevinnarar i skihopping Kategori:Medaljevinnarar under vinter-OL 1948 Kategori:Norske deltakarar under vinter-OL 1948 Kategori:Skihopparar under vinter-OL 1948 Kategori:Idrettsutøvarar frå Oslo