Eric Allin Cornell () er ein amerikansk fysikar.
Cornell vart tildelt Nobelprisen i fysikk i 2001, saman med tyskaren Wolfgang Ketterle og landsmannen Carl E. Wieman, for oppnåinga av Bose-Einstein-kondensasjon i fortynna gassar av alkaliatom og for tidlege fundamentale studiar av eigenskapane til kondensat.
I 1924 gjorde den indiske fysikaren Bose viktige teoretiske berekningar på lyspartiklar. Han sendte resultata til Einstein, som utvida teorien til ein viss type atom. Einstein føresåg at dersom ein kjøler ned ein gass av slike atom ved særs låge temperaturar, ville alle atoma brått samlast i lågast mogeleg energitilstand. Prosessen liknar den når væskedråpar vert danna frå ein gass, og ein kallar derfor kondensasjon (Bose-Einstein-kondensasjon).
Først i 1995 lukkast Cornell og hans medarbeidarar å oppnå denne ekstreme materietilstanden. Cornell og Wiemann fekk deretter fram eit rent kondensat på rundt rubidiumatom ved 20–nK (nanokelvin), dvs 0,000 000 02 grader over det absolutte nullpunktet.
Uavhengig av Cornell og Wiemans arbeid, gjorde Ketterle tilsvarande eksperiment på natriumatom. Kondensatet som han lukkast i å framstille inneheldt fleire atom og kunne derfor brukast til å undersøke fenomenet nærmare. Ved hjelp av to separate kondensatorar, som fekk ekspandere inn i kvarandre, kunne ein få fram særs tydelege interferensmønster. Dette eksperimentet viste altså at kondensatet inneheldt koordinerte atom.
Cornell tok doktorgrad i fysikk ved Massachusetts Institute of Technology (MIT) i 1990. Han var forskar ved National Institute of Standards and Technology (NIST) og seinare professor ved University of Colorado.
Kjelder Denne artikkelen bygger på «Eric Allin Cornell» frå , den 22. februar 2012.
Kategori:USA-amerikanske fysikarar Kategori:Nobelprisvinnarar frå USA Kategori:Nobelprisen i fysikk Kategori:Folk frå Palo Alto Kategori:Medlemmar av United States National Academy of Sciences Kategori:Elevar ved Massachusetts Institute of Technology Kategori:Elevar ved Stanford University Kategori:Medlemmar av American Academy of Arts and Sciences Kategori:Lorentz-medaljen Kategori:Fysikarar på 1900-talet Kategori:Fysikarar på 2000-talet