«Boulder to Birmingham» er ein song av Emmylou Harris frå 1975 på albumet Pieces of the Sky. Songen vart skriven av Harris og Bill Danoff. Han har vorte ein av kjenningsmelodiane hennar og fortel om sorga i åra etter at countryrockestjerna og mentoren hennar Gram Parsons døydde. Tidleg i karrieren hennar turnerte Harris med Gram Parsons og song på albumet hans GP i 1973. Songen er kjend for refrenget «I would rock my soul in the bosom of Abraham/I would hold my life in his saving grace/I would walk all the way from Boulder to Birmingham/If I thought I could see, I could see your face.»
Danoff spelte inn songen med gruppa si, Starland Vocal Band, på debutalbumet deira med same namn som bandet. Ein versjon av songen vart ein hit på New Zealand for The Hollies, med ein tiandeplass der, og kom sidan ut på albumet deira A Crazy Steal. Ein versjon spelt inn i 1975 av Scott Walker og The Walker Brothers vart gjeven ut på albumet deira No Regrets album. I 2012 spelte det amerikanske alternative rockebandet The Fray inn songen i lag med Harris som eit bonusspor på plata deira Scars & Stories.
Dolly Parton spelte songen i 1976 på albumet hennar All I Can Do.
Joan Baez spelte songen live og gav han ut på albumet Joan Baez: The Complete A&M Recordings, som kom ut i 2003.
Kjelder Denne artikkelen bygger på «Boulder to Birmingham» frå , den 1. oktober 2013. oppgav desse kjeldene:
Bakgrunnsstoff Emmylou Harris - Sweetheart of the Rodeo – ein biografi av Bill DeYoung med bakgrunnen til songen. http://www.juno.co.uk/products/boulder-to-birmingham/406383-01/
Kategori:Songar frå 1975 Kategori:Singlar frå 1976 Kategori:Emmylou Harris-songar Kategori:Countryballadar Kategori:Songar om bilulukker Kategori:Songar skrivne av Bill Danoff Kategori:The Walker Brothers-songar Kategori:The Hollies-songar Kategori:Dolly Parton-songar Kategori:Joan Baez-songar Kategori:Elisabeth Andreassen-songar Kategori:Gram Parsons