AineçaToponimia Occitana (Institut d'Estudis Occitans) : IEO_BdTopoc : http://bdtopoc.org (Eynesse en francés) es una comuna d'Occitània, en Agenés, administrada peu departament de Gironda de la region de Novèla Aquitània, ancianament d'Aquitània.
Geografia Perimètre del territòri
Aineça tòca pas Peçac de Dordonha ni Las Luèvias e Tomeiragas, mes es a quauques desenas de mètres de lur devisa.
Toponimia Lo nom d'Aineça (atestacions ancianas Eynessa (prior de ~), en 1326, Eynessa (borda d' ~) en 1474) s'explica per un nom latin d'òme, Ainus, emb lo sufixe latin itia (« Ainitia villa »)Bénédicte Boyrie-Fénié, Dictionnaire toponymique des communes. Gironde, ed. CAIRN e Institut Occitan, Pau, 2008, p. 141. Aineça èra donc probablament una anciana granda propietat antica que son mèstre èra Ainus. L'evolucion de ai- pretonic en ei-) es anciana, mès la consciéncia d'un diftongue ai- etimologic es conservada dins la mapa de Sanson, onte lo nom es escrit Aynesses https://web.archive.org/web/20161115015531/http://gallica.bnf.fr/ark:/12148/btv1b77101733/f1.item.zoom.
Benlèu es un asard, mès lo segment -nitia contengut dins lo nom reconstituït fai pensar que Aineça èra a la frontièra deu territòri deus Nitiobròges, a l'origina de l'Agenés. E justament, la prumièra sillaba Ai- se tròba sovent dins daus noms a la frontièra de dus pòbles gallés : Aidon, Salanhac e Aivigas, Aimet e los Aigurandas, çò que tend a confirmar l'ipotèsi que lo nom d'Aineça es ligat au nom de son pòble de l'Antiquitat.
Istòria
Administracion
Abans la refòrma cantonala de 2014, aplicada en 2015, la comuna èra deu canton de Senta Fe la Granda; es adara deu canton de Le Réolais et les Bastidas (en francés), donc de Lo Reulés e las Bastidas.
Demografia
L'anomalia de la populacion de 1793 s'explica mau. Fai pensar que las comunas avián de las devisas diferentas. La populacion d'Aineça en 1793 n'èra benlèu que la intra muros o dins lo borg. Lo rèste deu territòri explica benlèu una autra anomalia, la populacion de las Luèvias, anormalament auta. Pr'aquò adara las doás comunas se tòcan pas, mès a l'epòca benlèu que si. La populacion de las autras comunas vesinas, recensadas en 1793 siá emb Senta Fe http://cassini.ehess.fr/cassini/fr/html/fiche.php?select_resultat=26906, siá emb Gençachttp://cassini.ehess.fr/cassini/fr/html/fiche.php?select_resultat=15319 dona pas la clau deu mistèri.
Luecs e monuments
Personalitats ligadas emb la comuna
Veire tanben
Ligams extèrnes
Nòtas
Categoria:Comuna de Gironda Categoria:Comuna d'Aquitània (Occitània) Categoria:Comuna de Guiana