Halhan

Halhan Bénédicte Boyrie-Fénié, Dictionnaire toponymique des communes. Gironde, ed. CAIRN e Institut Occitan, Pau, 2008, p. 166 o Haian (Le Haillan en francés) es una comuna bordalesa de Guiana administrada pr'au departament de Gironda de la region de Novèra Aquitània, ancianament d'Aquitània.

Geografia vignette|upright=1.8|centre|Comunas a l'entorn.

Toponimia Dauzat postula un *Fadilianum, en remarcant pr'aquò que l'article (dau nom francés) haré puslèu supausar un nom comun Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 341.

Bénédicte Boyrie-Fénié constata que i a pas de fòrmas ancianas e que la fòrma gascona es despervesida d'article. Lo segond punt la mena a supausar, shens certitud, puslèu un nom ancian, anterior a l'estrat dialectau, per exemple lo nomen Falius damb lo sufixe -anum .

La mapa de Cassini (sègle XVIII) presenta una Ste Christine, probablament una parròpia e au sud-èst un lòc ordinari, Haillan https://www.geoportail.gouv.fr/donnees/carte-de-cassini cercar Le Haillan. Las mapas pus recentas pòrtan l'article o pas : Haillan per la mapa d'Estat-Major, Le Haillan après la formacion de la comuna https://www.geoportail.gouv.fr/carte cercar Le Haillan. La preséncia de l'article en francés es benlèu una influéncia dau nom francés de las comunas vesinas : i a a costat Le Taillan (-Médoc) (Lo Telhan de Medòc, ancian *Ortelhan pui *Autelhan, Le Pian (-Médoc), en gascon Lo Pian (de Medòc), ancian Aupian, pui tanben Lo Boscat.

La glèisa de Senta Cristina auré estat desrocada. La comuna, que dependèva d'Aisinas, data dau 9 de març 1867 https://web.archive.org/web/20200614182528/https://www.ville-lehaillan.fr/Histoire.html e la parròpia de Senta Cristina donèt donc pas de comuna a la Revolucion. Carré donc considerar Haillan coma un microtoponime e l'anterioritat d'una villa romana, shens estar impossibla, es pas çò de pus probable. I a un apellatiu faian, varianta de fau o hau e un lòc Fayan a Pèi Seguin. Una varianta pus gascona es *haian, atestada a La Seuva sus l'ALG, mapa 152 <ref>Jean Seguy, Atlas Linguistique et Ethnographique de la Gascogne, vol. 1</ref>. Coma lo hau es un aubre puslèu rare, pòt nommar un lòc. La consciéncia dau sens dau nom Haian pòt favorizar la consciéncia que i avèva un tau aubre sol a l'emplaçament de l'aglomeracion e dens aqueth cas, l'adopcion d'un article definit dens la fòrma oficiala, en mèi de las rasons dejà donadas, a pas ren d'estonable. Ajustem qu'en francés coma en occitan, damb la preposicion, la prononciacion a (h)aian es desgraciosa, çò que pòt menar a preferir [o] (au) (h)aian. Coma los parlars bordalés recents iodizan lh, i a pas de parelh minimau entre Halhan e Haian'', mès la grafia Haian es la pus probabla.

Istòria La comuna, que dependèva d'Aisinas, se creèt lo 9 de març 1867 https://web.archive.org/web/20200614182528/https://www.ville-lehaillan.fr/Histoire.html.

Administracion

Demografia

Lòcs e monuments

Personalitats ligadas damb la comuna

Veire tanben Comunas de Gironda Ligams extèrnes

Nòtas

Categoria:Comuna de Gironda Categoria:Comuna de Guiana Categoria:Comuna d'Aquitània (Occitània)