Lo ladin (autonim: ladin, lingaz ladin, ) es una lenga romanica de la familha retoromanica. Parlada exclusivament dins las montanhas Dolomitas, en Itàlia, dins las regions de Trentin-Aut Adige e Venèt, aquela lenga compta set dialèctes. Lo ladin es un parent pròche del romanch e del friolan.
Lo ladin foguèt reconegut per l'Estat italian segon la Lei 482/1999 e compta qualques dreches d'oficialitat dins la region de Trentin-Sud del Tiròl, mentre qu'a pas cap d'estatus oficial dins la província de Belluno. Compta actualament aperaquí 30.000 locutors, bilingües o trilingües totes, dins un airal que compta a l'entorn de 92.000 abitants. Lo ladin es regulat per maitas entitats coma lo Servisc de Planificazion y Eleborazion dl Lingaz Ladin, l'Istitut Cultural Ladin, l'Istitut Ladin Micurà de Rü e l'Istituto Ladin de la Dolomites.
La denominacion de la forma estandarda del ladin es lo ladin dolomitic (ladin dolomitan).
Nòtas e referéncias Categoria:Inventari de lengas Categoria:Lenga retoromanica Categoria:Província de Bolzano Categoria:Lenga romanica