thumb|250px|L'arbre genealogic de la familha Bluntschli La genealogia (del grèc ancian: γενεά genea, "generacion" e λόγος logos, "coneissença") es la sciéncia que consistís a estudiar e recercar los ascendents o los descendents d’una persona. Una de las finalitats d’aqueste estudi es la construccion d’una representacion grafica que se sona l'arbre genealogic.
Istoric Las primièras atestacions de genealogias venon de culturas anticas coma la cultura egipciana, que los faraons cercavan de mostrar son ascendéncia divina, o la cultura jusieva, que la genèsi descriu mai d’un còp las filiacions e las parentats. Dins l’evangèli crestian, quitament, se dona la genealogia del Crist. Pasmens, dins totes aquestes exemples, es una genealogia patrilineària que las femnas son sovent ignoradas o doblidadas.
Longtemps reservada als istorians, als notaris (per la recèrca d’eiretièrs) e al mond de poder que volián provar son ascendéncia per se gardar lo títol de noblessa, la disciplina es venguda presada per mai de mond dins las darrièras annadas del sègle XXen e al sègle XXIen. Las recèrcas son afavoridas per la multiplicacion dels sits collaboratius e dels sits que meton a posita de documents numerizats (registres parroquials o d'estat civil, recensaments...) Ligams extèrnes GeneaWiki (en francés)
Categoria:Genealogia