thumb|200px|left|Ulisses amb las sirenas thumb|200px|Ulisses e sons companhons cegant Polifème
L’Odissèa (en grèc ancian Ὀδυσσεία / Odysseía) es una epopèia atribuida a l’aède Omèr, comptant examètres dactilics, repartits en 24 cants. Se pensa que foguèt redigida après l'Iliada, cap a la fin del sègle VIII abans J.-C.
Resumit deu raconte
Que conta la fin de Tròia e lo retorn d'Ulisses, rei d'Itaca, après la guèrra (dont ua partida ei contada per L'Iliada. Lo títol Odissèa (en grèc ancian Ὀδυσσεία / Odysseía) qu'ei format suu nom grèc d'Ulisses Ὀδυσσεύς / (Odysseús). Lo subjècte qu'ei resumit dens los prumèrs vints vèrs (18 e miei) deu poèma, dens la quau lo poèta, segon la Tradicion, invòca la Musa entà que'u balhe l'inspiracion:
Estructura
L'Odissèa que's compausa de 24 cantas amassadas en tres partidas:
la Telemaquia (cantas I a IV : Telemac que parteish demandar novèlas de son pair tà Pilos, on interròga a Nestor, e tà Esparta, on interròga a Menelau. D'aqueth temps, los pretendents, a Itaca, qu'atenden que Penelòpa e causesca un d'eths en har la vita bèra, e que complòtan contra Telemac. los racontes d'Ulisses en çò d'Alcinòu (cantas V a XII): arrecaptat peu rei Alcinòu au darrèr deu son naufragi, Ulisses qu'entend un aède a contar l'episòdi deu chivau de Tròia (canta VIII), puish que conta eth medish las soas benalèjas. la venjança d'Ulisses (cantas XIII a XXIV) : un còp tornat tà Itaca, Ulisses que's hè reconéisher peus sons servidors e tanhents, que massacra los pretendents e que restableish la patz dens l'illa.
De traduccions parcialas e entièra en occitan
Joan Baptista Fabre faguèt qualques traduccions de partidas de l'Odissèa e L'Eneïda (L'Odissèa travestida e L'Eneïda de Celanòva).
La partida centrau de l'Odissèa (3300 vèrs) es estada revirada en provençau per Robèrt Lafont e publicada devath lo títol Lo viatge grand de l'Ulisses d'Itaca.
De notar de Charlon Rieu ne faguèt la revirada en entièr e en occitan provençau, en grafia mistralenca, en 1907.https://www.occitanica.eu/items/show/3086
Categoria:Literatura Categoria:Epopèia Categoria:Odissèa