La Kriegsmarine èra la marina militara dau III Reich entre 1935 e 1945. Creada per remplaçar la Reichsmarine de la Republica de Weimar, conoissèt una creissença rapida dins la quadre dau rearmament alemand deis ans 1930 e foguèt utilizada durant la Guèrra Civila Espanhòla per sostenir lo camp nacionalista. Pasmens, en 1939, sei plans de construccion de cuirassats e de crosaires de combat èran pas acabats. Lei sortidas de seis unitats pus gròssas, coma lo Bismarck, s'acabèron donc per de desfachas en causa de la superioritat numerica deis Aliats. Fòrça naviris alemands passèron donc la guèrra esconduts dins de pòrts alemands ò de fiòrds norvegians. En plaça, la flòta alemanda tornèt adoptar l'estrategia de la guèrra sosmarina e leis U-Boot formèron lèu la màger part deis efectius disponibles. Aquelei sosmarins menèron la batalha de l'Atlantic e plusors campanhas en mar Mediterranèa ò dins l'ocean Artic durant tota la guèrra, mai posquèron pas arrestar lei comunicacions maritimas aliadas.
Liames intèrnes
Batalha de l'Atlantic (1939-1945) U-boot Wehrmacht
Bibliografia
Jürgen Rohwer e Gert Hümmelchen, Chronology of the War at Sea, 1939–1945, Annapolis, Naval Institute Press, 2005. Stephen W. Roskill, The War At Sea, 1939–1945, Uckfield, Naval and Military Press, 2004.
Nòtas e referéncias