Katalin Karikó, nascuda lo 17 de genièr de 1955 a Szolnok (Republica Populara d'Ongria), es una bioquimista magiaro-americana especializada dins la tecnica de l'ARN messatgièr. Sas recercas pòrtan sul desvolopament de l'ARN messatgièr vitro-transcrit per las terapias proteicas.
Sas recercas sus l'ARN messatgièr, perseguidas dempuèi lo començament de las annadas 1990, joguèron un ròtle determinant per permetre l'utilizacion d'aqueste dins la creacion de vaccins d'un tipe novèl, apròcha que se concretisèt amb la recerca contre la pandemia de Covid-19, e especialament la creacion del vaccin Comirnaty de Pfizer-BioNTech. Ensenhèt a l'universitat de Pennsilvània. Venguèt puèi vice-presidenta senior a cò de BioNTech RNA Pharmaceuticals.
Foguèt premiada del Breakthrough Prize in Life Sciences 2022 e recebèt lo prèmi Nobèl de fisiologia o medecina en 2023, conjuntament amb Drew Weissman. Categoria:Bioquimista ongrés