thumb|right|Jürgen Habermas en 2008.
Jürgen Habermas (18 de junh de 1929, Düsseldorf – 14 de març de 2026, Starnberg) es un filosòf e sociològ alemand de la segonda mitat dau sègle XX e de la premiera partida dau sègle XXI. Prepausèt una filosofia centrada sus lo dialòg, la rason e la participacion ciutadana destinada a reconciliar modernitat e democracia en mostrant que la comunicacion liura e argumentada es lo fondament d'una societat justa.
Sa pensada s'organiza a l'entorn de la nocion centrala de comunicacion. Dins son òbra pus famosa, Teoria de l'Agir Comunicacionau (1981), destria doas formas d'accion que l'agir estrategic, orientat vèrs lo succès personau, e l'agir comunicacionau, fondat sus lo dialòg e la recèrca d'un acòrdi racionau entre individús. Considèra ansin que la racionalitat se limita pas a la sciéncia ò a la tecnica, mai que se manifèsta tanben en la capacitat deis èssers umans de discutir liurament per arribar a un consensus. Desvolopèt egalament lo concèpte d'espaci public, definit coma un luòc de debat onte lei ciutadans pòdon escambiar d'arguments d'un biais critic e dins L'Espaci Public publicat en 1962, mostrèt coma la transformacion d'aquel espaci per lei mèdias e l'elèit economic menaça lo bòn foncionament de la democracia.
Habermas èra fòrça engatjat en politica. I defendiguèt una vision en rapòrt amb sa filosofia. Favorable a la democracia, a la construccion europèa e a la promoccion dei drechs de l'Òme, èra partisan d'una democracia deliberativa fondada sus decisions presas a partir de discussions racionalas e inclusivas menadas per lei ciutadans.
Liames intèrnes
Comunicacion. Democracia. Dialòg.
Bibliografia
(en) Craig Calhoun (dir.), Habermas and the Public Sphere, Cambridge, MIT Press, 1992. (en) Thomas McCarthy, The Critical Theory of Jürgen Habermas, Cambridge, MIT Press, 1978. (en) Nick Crossley e John Michael Roberts, After Habermas: New Perspectives on the Public Sphere, Basil Blackwell, 2004.
Nòtas e referéncias
Categoria:Naissença en Alemanha Categoria:Naissença en 1929 Categoria:Decès en 2026