vinheta|Departaments dera Catalonha Napoleonica. Catalogne, era Catalonha napoleonica, constituïc era part mès meridionau dera airau dirèctament administrat per Empèri Napoleonic, que comprénia la region istorica de Catalonha.
Administratiuament ère dividida en cinc departaments: de Boques der Ebre (sud), Montserrat (centre), Segre (nòrd-oèst), Ter (nòrd-èst) e Pirenèus Orientals (nòrd-èst ultrapirinenc). Era Val d'Aran siguec integrada ath departament dera Nauta Garona (Haute-Garonne), Andòrra ac siguec ath deth Segre e es municipis dera Franja de Ponent de Fraga, Mequinenza, Torrent de Cinca (comarca de Baish Cinca), Favara de Matarranya, Faió e Nonasp (comarca de Baish Aragon - Casp) ac sigueren ath des Boques der Ebre.
Dempús deth 1810 es quate departaments prumèrs hègen part d'ua republica catalana instaurada per Napoleon Bonapart. Damb era Restauracion absolutista a Espanha aguesti quate departaments tornarien a èster part deth reiaume d'Espanha a compdar de 1814. Per contra eth departament de Pirenèus Orientals, que auie estat annexionat per França eth 1649 e que tanben ei part deth principat de Catalonha, contunhèc d'èster part dera França borbònica. França restanquèc era sobeiranetat dera Val d'Aran enquiar an 1815, quan siguec reintegrada ath reiaume d'Espanha.
Referéncias