Biografìa Ventura Cartiermetre, stranòm ëd Giuseppe Ignazio Avventura a l'era nassù a Turin ël 15 ëd giugn dël 1733. Dòp esse vnù dotor an Giurisprudensa a l'Università ëd Turin ant ël 1755, dal 1757 a l'ha sërvi ant l'Esèrcit piemontèis. A l'é mòrt a Turin ël 21 ëd giugn dël 1777.
Euvre E l'é àutor ëd vàire tòni, tra ij quaj: Instrussion pastoral dël vësco dël Balon Chèich vers dël tòni:
Andé pur a j'ostarie giughé pur a la schiné, a taròch, al gieugh dle bije, ma sté nen a travajé. An lòde dl'Agujar L'inissi dël tòni:
Cola cara Bastardela a l'ha tant d'abilità e na vos ch'a l'é tant bela, am anciarma an verità.
Am soleva da mie pen-e, am rapiss e am toca 'l cheur, am dëscassa da 'nt le ven-e, col umor ch'am rend reveur.
... L'istrussion dël corporteur L'inissi dël tòni:
Pòvra còsa ch'a l'é mai Studié tròp e avèje 'd guaj! Certament col corporteur Ch'a l'ha scrit për sò maleur Un pò tròp liberament,
A sarìa pì content S'a l'avèissa passà j'ore A contene a nòste sgnore,
... Tòni sul bondisserea scrit con órdin precis Da noté che ël bondisserea a l'é ël salut che a l'ha dàit orìgin al cerea o dserea dij nòsti temp.
L'inissi dël tòni:
Con col sò "bondisserea", coj sgnorass am sëcco già, ansi a dijo mach "dserea", për sostnì soa nobiltà.
A lo dijo con na bòria, da tiresse ij pugn sui dent, e la soa pì bela glòria, l'é spressé sempre la gent.
... Tòni su le sgnore ch'a van a caval L'inissi dël tòni:
Fomne amàbil, doce sgnore, ch'iv dilete dij cavaj, e ch'i smije, quand i core, d'eroin-e opur d'afaj;
Lassé non daré le spale j'amorin ch'av coro apress, a l'é vera ch'a l'han j'ale, ma as ëstraco ant cost ecess.
...
Arferiment bibliogràfich për chi a veul fé dj'arserche pì ancreuse Gianrenzo P. Clivio - Profilo di storia della letteratura in piemontese
Cartiermetre, Ventura