Gegenes pumilio Descrission La Gegenes pumilio (a l'é ciamà "Pygmy Skipper" an anglèis) a l'é na farfala dla famija dj'Hesperiidae. La duvertura dj'ale a l'é ëd 14–16 mm . La part superior a l'é 'd color brun sombr. La part sota a l'é gris brun-a, con ëd macie pì ciàire apopré a l'estremità dj'ale . La fumela a l'é na frisa pì ciàira, con ëd cite macie biancastre an sj'ale anterior .
Ambient As treuva ant le zòne sëcche e càude davzin a la còsta: pendiss rocose, teren sabios, rive dij torent, pra sech e bussonà basse. A vòla da avril a otóber, miraco con doe generassion (a l'é polivoltina) . Le ruve a vivo dzora a vàire graminacee, com Imperata cylindrica e Cymbopogon hirtus . A l'é abbondanta ant ij di assolà d'istà .
Distribussion A l'é spantià an tuta la region dël Mediterani e an Àfrica . An Italia a l'é pì che àutr na specie litorania, ma localisà, dzortut an sël vërsant tirénich da la Liguria sentral (andova ch'a smija estinta) a la Sicilia e a la Sardëgna . A-i é 'dcò dle popolassion an sle còste dla Puglia meridional e an quàich leugh an Molise e ant l'Adriàtich sentral . A l'é considerà "Arzigh Minim" (LC) da la Lista Rossa IUCN .
Arferiment bibliogràfich për chi a veul fé dj'arserche pì ancreuse
Gegenes pumilio Hoff.
Categorìa:Gegenes