Lanius senator Descrission La Lanius senator (griva testarossa) a l'é n'osel passeriform ëd la famija dij Laniidae. A l'é longa anviron 18 cm e a peisa anviron 38 gram . L'adult a l'é caraterisà da na mascra nèira an sla front e dantorn a j'euj, dal cupiss e la part superior dla testa 'd color ross, e da 'l mantel nèir . J'ale a son nèire con ëd macie bianche a la base dle primarie e an sle scàpole . La coa a l'é nèira con ij bòrd bianch . Le part inferior a son bianche . La fumela a l'é pì smòrta dël mas-cc, con ij color pì sbiadì e dle vire dë strìe scure an sël pét . Ij giovo a son brun e motobin strià, difìcij da disferensié da d'àutre specie 'd grive.
Ambient A viv ant ij teren duvert e sech con erbo spatarà, com ij fruté, j'olivé, ij bòsch nen tròp s-ciass e ij camp con sev . A l'é na specie migratris: a passa l'invern ant l'Àfrica a sud dël Sahara . A riva an Euròpa an avril-magg për nidifiché e a parte an luj-agost . A mangia dzortut gròss inset (coleòter, sautarele, grì), ma 'dcò cit vertebrà (laserde, cit d'osej) . Com j'àutre grive, a buta soe prede an sle spin-e o an sle ponte 'd fer për fene na dispensa .
Distribussion A nidìfica ant l'Euròpa meridional, ant l'Àfrica dël Nòrd e ant l'Orient Medi, dal Portugal a l'Ucrain-a e a l'Iran . An Italia a l'é nidificant an squasi tuta la penìsola, an Sicilia e an Sardëgna, dal livel dël mar fin a 500 méter . La popolassion italian-a a l'é stimà an 10.000-20.000 cobie e a l'é an declin. Për sòn, a l'é classificà In Perìcol (EN) ant la Lista Rossa Italian-a . A l'é protegiù da la lege 157/92 .
Arferiment bibliogràfich për chi a veul fé dj'arserche pì ancreuse
Lanius senator L., 1758
Categorìa:Lanius Categorìa:Grive