Раховскый район, Рахівський район — район в Закарпатской области Украины. Мать розлогу 1892 км² і 92 446 обывательох. Центром района е Рахово, оддалене од областного центра Ужгород о 209 км.Тронько П. и др. Рахівський район, сс. 476-529.
Землепис Раховскый район лежить на крайном востоку области и е найвекшым ей районом. На територии района суть найвысше в Украинѣ горске пасмо Чорногора и найвысшый верх Говерла (2061 м). Повыш Рахова сутоком Чорной Тисы и Бѣлой Тисы () зачинать ся ток Тисы, найвекшого притока Дуная. Район славный природныма красами, мягков климов, богатов гуцулсков етничнов културов, майстрами народного умѣлства и их выробами. Подля густоты обывательства район е найменше заселеным в области.Jiří Král, с. 51.
История Найстарша церковь походить з рока 1428. Перва документована упоминка о Раховѣ датована роком 1447.Кобаль Й. В. Рахів.
В року 1947 в районѣ зачали будовати велику картонову фабрику, на котрой змололи на макулатуру заказану комунистичным режимом досовѣтску литературу, конфишковану з библиотек и приватных колекций цѣлого края.
В року 1953 Раховскый округ быв переменованый на Раховськый район, жебы тот одповѣдало приятой в УССР административной системѣ.
Економика Найвекшы подникы суть: картонова фабрика (Рахово), лѣсохемичный комбинат (Великый Бычков), Закарпатскый арматурный завод (Кобылецка Поляна), лѣсокомбинаты (Рахово, Ясѣня), Раховскый мраморовый лом (Дѣлове). По падѣ социалистичного зряджѣня векшинов перетворены на акционерны дружства и дознали спад выробы, окрем выдобываня ставебного дерева, котре наопак выросло.
Аграрный сектор представленый главнѣ скотарством. Мягка клима, малебна краина, жерела лѣчебных минералных вод притягують до тых мѣст любительох природы, шпортовцьох, туристох и рекреантох з краю и загранича. Найвекшыма туристичныма базами суть Раховска и Ясѣнянска, котры мають вельо филиалок и туристичных хат, и пензион «Горска Тиса». В року 1967 в них спочивали понад 30 тыс. людей. Еще таксамо понад 30 тыс. туристох того ж року спочивали в районѣ индивидуалнѣ. Туристика зоставать стало просперуючым конарьом економикы.
Памятникы
Деревяна сакрална архитектура:Советское Закарпатье, с. 219. Назва Датум Локалита Струковска церковь и звонниця 1824 Ясѣня Успѣнска церковь 1750 Дѣлове Преображенска церковь в Плитоватом 1780 Лазещина Николайовска горѣшна церковь 1428 Середное Водяное Николайовска долѣшна церковь 1776 Середное Водяное Геодезичный знак, представляный яко «центер Европы» Надпис на знаку около Рахова у селі Круглый: LOCUS PERENNIS dilicentissime cum libella librationis quae est in Austria et Hungaria confecta cum mensura gradum meridionalium et paralleloumierum Europeum MDCCCLXXXVII
Надпис на знаку около Лишова, окрес Чешске Будейовице: LOCUS PERENNIS diligentisimae cum libella librationis quae est in Austria et Hungaria confecta cum mensura graduum meridionalium et parallerorum quam Europeam vocant erectum MDCCCLXXXIX
Роздѣл меджи тыма двома знаками е лем в том, же первый поставили в року 1887, а другый в року 1889, на другом тыж е выправлена хыба в словѣ dilicentissime → diligentisimae (якнайточнѣйшый). Суть то два зоз семох нивелачных знакох LOCUS PERENNIS, фиксных точок, котры выставив австрийскый геодезичный устав про точне мѣряня вышкы даной точкы над морьом, односно ровины Ядрану около Фиуме. Горизонтална металова пластинка 10х10 цм, фиксуюча вышку находить ся в подошвѣ знака. Знакы были выставлены, жебы сконтроловати гипотезы о тектоничных рухах земной коры.Žáček J.
См. тыж Locus perennis
Жерела и одказы Dr. Jiří Král. Podkarpatská Rus. V Praze, nákladem vlastním, 1924. Žáček, Jan. Hory Novohradské. Třeboň: [s.n.], 1936. S. 24-25. Советское Закарпатье. Справочник-путеводитель. Изд-во "Карпаты". Ужгород. 1968. Тронько П. и др. (ред.) Історія міст і сіл України. Закарпатська область. К. 1969. Кобаль Й. В. Рахів. //Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2013, том 9, с. 140. Сайт Районной администрации Чисельність наявного населення України на 1 січня 2016 року, с. 35.
Референции
Катеґорія:Районы Закарпатской области