Збой (в мѣстной гварѣ Збуй, Zboj) — село на Словеньску в окресѣ Снина Пряшовского краю.
География Катастер Збоя лежить в пасмѣ Буковскых Верхох. Через селе тече Збойскый поток. Про бициглиштох ту веде циклотраса 2875, звана Ikon (синя значка).2875 – Cyklistický chodník Ikon https://www.cykloportal.sk/trasy/2875-cyklisticky-chodnik-ikon/ Найвысшы точкы в катастрѣ села суть верх Ряба Скала, 1199 м.н.м. на польской граници, ай верх Стѣнка, 1093 м.н.м. на украинской граници.Freemap.sk https://www.freemap.sk/#map=14/49.028100/22.482800&layers=X&osm-relation=2324002
История Збой заложеный на валашском правѣ около року 1550 шолтисом и осадниками.
Первый раз упомянутый в даньовом списѣ в року 1567. Од зачатку до послѣдной четвертины 17. стороча належав Гуменскому панству Другетох. Обывателе ся занимали земледѣлством, скотарством, лѣсовыма роботами. Од року 1901 могли достати роботу ай на новопоставленой узкоколейцѣ. В часѣ Первой свѣтовой войны село трафило на 5 тыжднѣ во фронтову зону и было майже докус выпалене. В меживойню вельо обывательох емигровало за океан за роботов. В роках 1939–1944 село было окуповане Мадярщинов, 18. октобра 1944 ослободжене Червенов армадов. В року 1947 отворили автобусну линию до Снины, в року 1955 — пошту, в року 1960 завели електрику и поставили нову школу зоз шпортовов залов. В року 1966 закончили выставбу новой мурованой церьковли, а стару деревяну дали до сканзену в Бардѣйовскых Купелях.
Обывательство
Зложеня обывательства подля народности (2011 р.)Народностне зложіня обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-10-24.: Русины - 123 (31,8%) Словаци - 231 (59,7%) Украинцѣ - 11 (2,8%) Чехы - 4 Нѣмцѣ - 1 Ромы - 1 Нестановлены - 16 (4,1%)
Русиньскый язык за материнскый означили 277 жителѣ (71,6% обывательства)Материньскый язык обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-10-24..
З увагы на вѣру штатистика з року 2001 така: православны79,51% грекокатолици 9,02% римокатолици2,46% атеисты1,64% не одповѣли6,35% Вызначны родаци Петро Лодий (1764–1829) — правник, филозоф, педагог.
Памяткы Церьков святого Миколая епископа з року 1775 (днесь в Музею народной архитектуры в Бардѣйовскых Купелях)
Жерела Василь Федич: Збой (Збуй) – Zboj // С. 425. Референции