LASEAN (IPA: ˈɑːsiɑːn; in ingleze: Association of South-East Asian Nations; in vèneto: Asociasion de łe Nasion del Sud-est aziàtego), el ze un'organizasion pułìtega, econòmega e culturałe de nasion piasae inte el Sud-est aziàtego, a ła cuała ła ze ligada l'omònema àrea de lìbaro scànbio, o sia l'àrea de lìbaro scànbio de l'ASEAN, a so volta ligada co sìngułi acordi a l'Austràlia, Nova Zełanda, Repùblega Popołare Cineze, Corea del Sud e Japon.
L'ASEAN ła ze sta fondada inte el 1967 col fin de promóvar ła cooparasion e l'asistensa resìproca intrà i stati menbri par cełerare el progreso econòmego e erlevar ła stabiłità de ła rejon. L'ASEAN ła mantegne na rete globałe de lianse e pàrtner de diàłogo e ła vien considerada da racuanti cofà na potensa globałe e un'organizasion influente. Ła ze coinvolzesta in numarévułi afari internasionałi e ła òspita mision diplomàteghe in tuto el mondo. El ze uno dei prinsipałi pàrtner de l'Organizasion par ła Cooparasion de Shanghai, co ła cuała ła desviłupa un modeło de cooparasion par ła paze, ła stabiłità, el desviłupo e ła sostegnibiłità de l'Àzia.
Notasion
Altri projeti
Linganbi foresti
Categoria:Organixasion pułìteghe internasionałi