El Ejito o Ezitoo sevente altre grafie e varianse Egito e Exito, ufisialmente Republika Araba d'Ejito el xe un Stat del Nord Afrika. L’Ejito el konprende anka la penìzoła del Sinai, ke xe parte de l’Axia sudosidental. El konfina ko la Libia a ovest, ko el Sudan a sud e ko Israele a nordest.
Etimołozia El nome moderno de l’Ejito in arabo xe Misr, nome de origine semitika.
I antichi ejiziani camaa la loro tera Kemet, ke volea dir tera nera, in riferimento al limo ke el fiume Nilo depositava su le sponde al tempo de le piene.
Zeografia
Ge montagne inte el sud e ne la penìzoła del Sinai a nordest.
El xe bagnà dal Mar Mediteraneo a nord e dal Mar Roso a est. A nordest el kanal artifisial de Suez mete in komunicasion i do mari.
Kuasi tuto l’Ejito xe parte del deserto del Sahara. Ecesion xe la fasa de tera longo el Nilo e la kosta rente del delta.
Storia
Antigità I primi abitanti de l’Ejito i sa stabilio longo el fiume Nilo e i vivea de peska e agrikoltura. Verso el 4000 a.K., la zente ga skominsiá a radunarse in unitá ke faxea kao a le citá.
Lo Stato se ga unifiká soto la diresion de Narmer, el primo re, inte el 3200.Le dinastie de faraoni (stò titolo se pol usar solo dopo la XVI dinastia) i ga governá el paexe fin a la metá del primo sekolo avanti Kristo, anca se inframexae da periodi de dominasion straniera.
Inte el IV secolo a.K. i persiani ga konkuistá l’Ejito; dopo i persiani xe rivá Alesandro de Macedonia ke ga dato el poder a i so sucesori, la dinastia de i Tolomei.
Inte el I secolo a.K. Julio Cesare ga conkuistá el paexe ke l’è restà roman par skuaxi sete sekoli.
Inte el VII secolo d.K. i arabi ga konkuistà el Ejito e skominziá la loro avanzata verso l’Europa. En man araba, l’Ejito xe pasá da un kalifato a l’altro par sirka sinkue sekoli.
Inte el XII sekolo i Mameluki soldadi de ventura turki i a tolto el poder.
En tel 1517 i Otomani ga zontá l’Ejito al loro impero ke parò ga lasá i Mameluki kome feudatari.
Modernità Inte el lulio 1798, i francexi ga invaso l’Ejito kon 40 000 omeni soto la guida de Napoleone Bonaparte. L’okupasion durò solo do ani. Soldai inglexi e turki ga rikonkuistá el paexe inte el 1800.
Mehmet Ali Pashá xe diventá vice-re e ga dato vita a na dinastia autonoma, anca se ofisialmente soto l’impero Otoman.
En tel 1881, francexi e inglexi, par protezar i investimenti eoropei, ga obligá el khedive (re) a tor i loro esperti de finanza e laori publici. On pò a la olta, i inglexi ga tolto el poder al re e ga skominziá a governar par konto lori.
Indipendensa Inte el 1922 l’Ejito ga vu l’indipendenza, anka se i militari inglexi kontinuaa a kontrolar el paexe.
En tel 1952, el general Muhammad Neghib e el kolonel Gamal Abd al Nasser fasea on kolpo de Stato, proklamaa la republika e parava fora i inglexi da le basi ke i gavea longo el kanal de Suez. Nasser xe stá eleto presidente inte el 1956 e ga subito dovuo afrontar la krisi del kanal de Suez. Francexi e inglexi, e poi anka i israeliani, ga okupá el kanal e el Sinai. Rusia e Amèrika sa meso in mezo e i okupanti ga dovuo lasar l’Ejito. Inte el 1967 ge stá la guera de i sei dì kontro Israele, ge sará altre do guere kontro Israele, tute finie ko la skonfita de i paexi arabi. Nasser el more el 28 setembre 1970.
El vice presidente Anwar el Sadat ciapa el so posto fin a la so morte inte el 1981.
El sucesor xe stá Osni Mubarak.
Zeografia politega Sudivixion aministrative El Ejito el xe divixo in 29 governadorai (in arabo muhāfaza). + governadorai del Ejitocentro|600px N° Nome Cavologo Area(km²) Popolasion(2006) 1 Alessandria Alessandria 2679 4110015 2 Aswan Assuan 679 1184432 3 Asyut Asyut 25926 3441597 4 Buhayra Damanhur 10130 4737129 5 Beni Suef Beni Suef 1322 2290527 6 Il Cairo El Cairo 214 24786640 7 Daqahliyya Mansura 3471 4985187 8 Damietta Damietta 589 1092316 9 Fayyum Faiyum 1827 2512792 10 Gharbiyya Tanta 1942 4010298 11 Giza Giza 85153 6272571 12 Ismailia Ismailia 1442 942832 13 Kafr el-Sheykh Kafr el-Sheikh 3437 2618111 14 Matruh Marsa Matruh 212112 322341 15 Minya Minya 32279 4179309 16 Manufiyya Shibin El Kom 1532 3270404 17 Wadi al-Jadid Kharga 376505 187256 18 Sinai del Nord Arish 27574 339752 19 Port Sa?id Port Said 72 570768 20 Qalyubiyya Banha 1001 4237003 21 Qena Qena 1851 3001494 22 Mar Rosso Hurghada 203685 288233 23 Sharqiyya Zagazig 4180 5340058 24 Sohag Sohag 1547 3746377 25 Sinai del Sud el-Tor 33140 149335 26 Suez Suez 17840 510935 27 Luxor Luxor 55 451318
Kavedal e altre sità La kavedal xe el Kairo.
Popolasion La popolasion vive longo el fiume Nilo, kon poka zente ke vive inte le oasi inte el deserto.
La majoria de la popolasion (98%) xe ejisiana.
La jente parla arabo ma el francexe xe usá da la minoranza kristiana e da i inteletuali.
I musulmani xe el 88%, i kristiani el 11%, e ge altre minoranze. I kristiani xe in majoria kopti.
Ekonomia L’ekonomia xe prevalentemente agrikola. El kampo agrikolo okupa el 32% de la popolasion. El paexe xe autonomo par el petrolio.
Inte la industria i setori kimiko e siderurgiko xe in kresita.
Anka el turismo el stá diventando sempre pi importante par el paexe.
Kurioxità La cexa lokale kopta la kata le so orijini ne la predikasion de San Marko. La tradision vol ke dopo esar andá ne le ìzołe ke diventará Venexia, el santo evanjelista xe andá in Ejito e ga fondá la cexa kopta.
Gałeria de someje
Notasion
Altri projeti
Łinganbi foresti