thumb|350px|Ponta de ła Dogana thumb|Ponta de ła Dogana - Bernardo Falconi Ła Ponta de ła Dogana o Ponta de ła Sałute o Ponta da Màr ła ze na zona de Venesia, sutìl ponta triangołar de divizion intrà el Canal Grando e el Canal de ła Zueca, davanti al Basin de San Marco.
Ła zona ła ospita tre inportanti conplesi architetòneghi: ła Bazéłega de Santa Maria de ła Sałute, el semenario patriarcal e el conpleso de ła Dogana da Mar da dove l'area ła ciapa el nome.
I edifisi Bazéłega de Santa Maria de ła Sałute
Semenàrio patriarcal
Dogana da Mar L'edifisio sìesentesco, òpara del Benoni, el ze a pianta triangołar, costituìo da 8 canpàe zviłupàe su do piani e el ze coronà da na tore sorastàda da ła Bała d'Oro, sfera in brónzo dorà sostenjùa da do atlanti a rafeguràr el mondo su cui puza ła statua dita "Occasio". Tal statua ła raprezenta ła Fortuna, òpara de'l scultór Bernardo Falconi, rodante a ìndegar ła diresion de'l vento e, sinbołegamente, ła mudevołesa de ła fortuna stesa.
Ai tenpi de ła Repùblega de Venesia el conpleso, par ła so pozision sentral intrà el Basin de San Marco e l'inboco de'l Canal Grando e de'l Canal de ła Zueca, el venjiva utiłizà cofà sede doganal par łe marcansìe e i beni ojeto del comersio naval.
Inportanti łaóri de restàuro i ga consentìo inte'l 2009 ła reałizasion a l'interno de'l conpleso de ła Dogana da mar de un sentro d'arte contenporanea cołegà a Pałaso Grassi Dal sito uficiałe de Pałaso Grassi, progetà da l'architeto minimałista japonézo Tadao Ando, coadiuvà da un pool de profesionisti itałiani, su comision de'l manjate de ła vóga fransezo François Pinault, propietario de Pałaso Grassi e cołesionista d'arte contenporanea. L'edifisio el gà subìo un consołidamento stàtego e A ze stàe reałizàe anca łe òpare nesesarie a ła só protesion da łe acue alte e a ła só fruibiłità da parte de parsone e reduzesta capasità motoria: ze stài istałài inpianti mecàneghi e ełètreghi pianizài a ła consarvasion e a ła protesion de łe òpare d'arte che ghe ze mostràe.
Ła firma de l'architeto japonézo ła ze raprezentàda da algune paréde in beton a vista, tìpeghe de ła só òpara, che łe ze servìe in parte par mascarar i paraménti tecnołòzeghi nesesari a un moderno sentro espozidivo, e in parte par reałizar, propio al sentro de l'edifisio, un łocal grando cuadrà Plastico del progeto de Tadao Ando . El progeto so'l prensipio el prevedeva anca ła reałizasión, in Canpo de ła Sałute, de na cubia de cołone de semento a sesion cuadràda; ła propòsta daspò serte połèmeghe, ła ze stàda zbandonàda a cauza de łe numaroze łinee dei sotoservisi prezenti in cueła zona. www.archinfo.it/punta-della-dogana/0,1254,53_ART_294,00.html
Note
Linganbi foresti
Someja, storia e mapa par vedar dove che ła xe Someja che mostra ben ła Ponta de ła Dogana Sito par el restauro de ła Ponta de ła Dogana Ła pónta vista da l'alto
Gałarìe de someje right|300px|thumb|Ponta de ła Dogana
Altri projeti
Categoria:Architeture de Venesia