Ła Caorlina ła ze na inbarcasion tìpega de ła Łaguna de Venesia.
El nome el ze łigà in ùltima a ła só orìzene a Caorle, comun de ła Provincia de Venesia, un tenpo tersa ìzoła de'l dogado par estension dopo Venesia e Cioza. thumb|left|Caorlina in una foto di Paolo Monti del 1965. Fondo Paolo Monti, BEIC
Łe caratarìsteghe de ła caorlina łe ze inansituto el fondo piato e ła pròva e'l pope conpanji e realsài; cuesto consente co fasiłità ła voga da parte de cuatro o sìe vogadori. Łe dimension tìpeghe de ł'inbarcasion łe ze 9,65 metri de łonghesa par 1,75 metri de łarghesa: uzada inisialmente par ła pesca in łaguna (dita a seragia) e pa'l straporto anca de inzenti carghi (grasie a ła só capiensa ed aziłità de movimento). Ancùo ła ze una de łe inbarcasion più renomàe inte łe regate su'l curto parcorso de ła Regata Storica de Venesia.
Par zonta, a Caorle, da calche ano ze stada costruìa na Caorlina o Caorlina da parada, co 24 vogadori più caovoga, che oltra a partesipar a ła Regata Storica, i ciapa parte a numaroze manifestasion de caràter stòrego o łerigiozo.
Voze łigàe Inbarcasion venesiane Voga veneta
Categoria:Inbarcasion venesiane