Ła Cieza de San Trovazoo sevente altre grafie e varianse San Trovaso ła ze un edifisio łérigiozo de ła sità de Venesia situà inte'l sestièr de Dorsoduro
Storia Come che ne conta Giuseppe Tassini, ła Cieza ła ze stada costruìa inte i primi tenpi daspò che Venesia ła zera stàda fondada deventando indilatamente parochiàl. Ła ze stàda costruìa inte'l 1028 da łe famegie Barbarigo e Caravella. Da ła só fondasion ła zera sotoponesta ai patriarchi de Grao e dei vescovi de Ołivoło. A cauza de varie połemiche inte'l 1041 se ze rivà a'l conpromeso: entranbi i prełati i gavarìa ełeto e comandà el vizdòmino de San Trovazo. Ła ze 'sta cua na inportante testimoniansa dei cativi raporti che inte'l Mezoevo i se prezentava infrà el clero acuiłeiense e el clero venesian. Inte'l 1105 ła Cieza ła ze stada refada. Ła ze crołada inte'l 1583 e da'l 1854 ła ze stada costruìa in sete ani. Ła ze stada consacrada inte'l 1657. Ła ze stada refada inte l'Otosento co ła ga posùo aver mazori intràe de łemòzene grasie a ła crésita de'l sìrcondario de ła parochia, a cauza de łe sopresion de łe Cieze visine.
Descrision Na carateristega singołar de l'edifisio ła ze ła dopia fasàda, una inderisada verso el Canpo San Trovazo e l'altra verso el rio omònemo. Segondo ła tradision, el dopio ingreso el serviva par tenjìr separàe łe fasion de scontro de Castełani e Nicołoti, co tute do łe ndava in Cieza in ocazion de ła recorensa dei santi, evitando cusì el descaenarse de tibidòi.
Gałarìa fotogràfega
Notasion
Altri progeti
Siti da vardàr Storia de ła Cieza de San Trovazo da'l sito veneziamuseo.it Descrision e somegia de'l Scuero, de ła Cieza e de'l Canpo de San Trovazo da'l sito magicoveneto.it
Trovaso Trovaso