thumb|right|300px|Phyllitis scolopendrium, una especie d'aspleniacia que puet estar relicta en Europa, pus a suya presencia se remonta a d'antes d'as glaciacions. Feleguera niedo d'au ye una denominación popular que s'emplega, sobre tot en chardinería, ta referir-se a cualques especies de Pteridophyta polipodiales (felegueras u felequeras) de fuellas grans, enteras y amplas, que en l'actualidat son mayoritariament propias d'ecosistemas tropicals.
Anque no se tracta d'una denominación botanica, o suyo uso en chardinería ye tan común y a suya distribución comercial tan important que ha rematau aglutinando a diferents especies d'aspecto parellano.
A mayoría de felegueras que se conoix popularment como niedos d'au fan parte d'a familia Aspleniaceae (aspleniacias), y en chardinería s'importa especialment Asplenium nidus (orichinaria d'Oceanía). Manimenos, a denominación puede trobar-se, en guías de naturaleza y atras obras parellanas, aplicada a cualsiquier feleguera de caracteristicas semellants, como as que eventualment se puede trobar en latituz subtropicals y temperadas d'Eurasia como especies relictas.
Se veiga tamién Pteridophyta
Categoría:Fitonimia Categoría:Pteridophyta