Iste articlo ye sobre una cinta estausunidense de superherois de 1987; ta atros usos, se veiga Masters of the Universe (desambigación).
Masters of the Universe (títol orichinal en anglés, en aragonés Mayestros de l'universo, estrenada en Aragón con o títol mixto en castellano y anglés de Masters de l'universo) ye una cinta de cine estausunidense de cine de superherois estrenada l'anyo 1987, dirichida por Gary Goddard seguntes un guión adaptau por David Odell (basau en a franquicia Masters of the Universe, de Mattel), con una banda sonora orichinal de Bill Conti, una dirección de fotografía de Hanania Baer, una producción cinematografica de Yoram Globus y Menahem Golan ta la productora cinematografica The Cannon Group, Inc. y un elenco formau por Dolph Lundgren, Frank Langella, Courteney Cox, Barry Livingston, James Tolkan, Christina Pickles, Meg Foster, Chelsea Field, Jon Cypher, Billy Barty, Robert Duncan McNeill, Anthony De Longis, Tony Carroll, Pons Maar, Robert Towers, Peter Brooks y Richard Szponder, entre d'atros actors.
En o planeta Ethernia, o sinyor d'a guerra Skeletor conquiere con as suyas tropas o castiello Grayskull, que ye lo centro de poder de l'universo, capturando a la Fetillera de Grayskull, a qui mantién presonera en un campo de fuerza que li sustraye lo suyo poder y preparando la conquiesta total de l'universo ta la proxima salida d'a Luna. Tres supervivients de l'ataque (lo líder He-Man, o soldau veterano Man-At-Arms y su filla Teela) rescatan a Gwildor, un zarralero, d'a tropas invasoras, descubrindo que ha estau gracias a un invento suyo que, contra la suya voluntat, han podiu fer l'ataque de rapiconte. Gwildor Ha inventau una "clau cosmica" que permite ubrir un portal enta cualquier puesto de l'universo en fendo servir notas musicals, y lo grupo fa servir una copia de l'invento ta dentrar éls en o castiello ta liberar a la fetillera, encara que se veyen obligaus a fuyir tornando a emplegar a clau cosmica. En a fuyida, plegan enta la Tierra pero pierden a clau cosmica, que casualment troban dos estudiants de California, Julie Winston y Kevin Corrigan. Istos manipulando la clau ta escuitar a musica que produz ninvían sin saber-lo un sinyal que recibe lo segundo de Skeletor, Evil-Lyn, qui ninvía un grupo de guerreros ta recuperar a clau. Persiguen a Julie, a qui rescata He-Man, mientres que Kevin la busca. Dimpués de constats luitas, He-Man rebla ta salvar a sus companyeros, y Skeletor veye bien amanau o momento en que concentrará n a suya man tot o poder de l'universo. Pero He-Man consigue liberar-se y fer servir a espada de Grayskull ta destruyir o bastón que atorga poders a Skeletor, tornando-lo en nomás que una persona normal, pero que encara puet continar luitando.
A cinta s'ambienta en a suya epoca actual (1987) en California y en l'espacio exterior, y las suyas escenas se filmoron en Agua Dulce, Calabasas, Culver City, Los Angeles y Whittier (California). Localizacions de Masters of the Universe en Internet Movie Database.
Masters of the Universe ye una cinta que ha recibiu bels premios y nominacions. Sindembargo, garra d'éls no fa parte d'o conchunto de premios mas conoixius u destacaus d'o panorama cinematografico internacional.
Elenco Masters of the Universe en Internet Movie Database. Actor Papel Notas ''''
Se veiga tamién Cine en 1987. Cintas de 1987.
Referencias
Vinclos externos Masters of the Universe en Internet Movie Database. Masters of the Universe en Box Office Mojo. Masters of the Universe en Rotten Tomatoes.
Categoría:Cintas ambientadas en California Categoría:Cintas ambientadas en 1987 Categoría:Cintas con banda sonora orichinal de Bill Conti Categoría:Cintas con dirección de fotografía de Hanania Baer Categoría:Cintas con guión de David Odell Categoría:Cintas con montache d'Anne V. Coates Categoría:Cintas de cine de superherois Categoría:Cintas d'Estaus Unius Categoría:Cintas dirichidas por Gary Goddard Categoría:Cintas en anglés Categoría:Cintas interpretadas por Anthony De Longis Categoría:Cintas interpretadas por Barry Livingston Categoría:Cintas interpretadas por Billy Barty Categoría:Cintas interpretadas por Chelsea Field Categoría:Cintas interpretadas por Christina Pickles Categoría:Cintas interpretadas por Courteney Cox Categoría:Cintas interpretadas por Dolph Lundgren Categoría:Cintas interpretadas por Frank Langella Categoría:Cintas interpretadas por James Tolkan Categoría:Cintas interpretadas por Jon Cypher Categoría:Cintas interpretadas por Meg Foster Categoría:Cintas interpretadas por Peter Brooks Categoría:Cintas interpretadas por Pons Maar Categoría:Cintas interpretadas por Richard Szponder Categoría:Cintas interpretadas por Robert Towers Categoría:Cintas interpretadas por Robert Duncan McNeill Categoría:Cintas interpretadas por Tony Carroll Categoría:Cintas producidas por Menahem Golan Categoría:Cintas producidas por Yoram Globus Categoría:Cintas rodadas en Agua Dulce (California) Categoría:Cintas rodadas en Calabasas Categoría:Cintas rodadas en Culver City Categoría:Cintas rodadas en Los Angeles Categoría:Cintas rodadas en Whittier (California)