Iste articlo ye sobre una cinta britanica de cine d'intriga policiaca de l'anyo 2007; ta atros usos, se veiga Flawless.
Flawless (títol orichinal en anglés, en aragonés Impecable, estrenada en Aragón con o títol en castellano d'Un plan brillante, en aragonés Un plan brilant) ye una cinta de cine d'intriga policiaca coproducida por o cine britanico y lo cine luxemburgués estreada l'anyo 2007, dirichida por Michael Radford seguntes un guión orichinal d'Edward Anderson, con una banda sonora orichinal de Stephen Warbeck, una dirección de fotografía de Richard Greatrex y una producción cinematografica de Carola Ash, Jimmy de Brabant, Stephen Margolis, Albert Martínez Martín, Michael A. Pierce, Richard Pierce, Charles Salmon y Mark Williams ta las productoras Magnolia Pictures, Pierce/Williams Entertainment, Hyde Park International, Future Films, Delux Productions, Luxembourg Film Fund, Blue Rider Entertainment y Zero Gravity Management. Conta con un elenco d'actors d'o cual en fan parte, entre d'atros, Michael Caine, Demi Moore, Lambert Wilson, Joss Ackland, Constantine Gregory, Ahmed Ayman y Natalie Dormer.
Laura Quinn s'ha citau en un restaurant con una periodista que quiere entrevistar a la sola muller que ha estau cherent d'a London Diamond Corporation, a poderosa companyía que controla toz os diamants d'o mundo, ta una serie d'articlos sobre mullers pioneras en as suyas profesions. Quinn ubre una caixeta y amuestra un gran diamant a la periodista, decindo-le nomás que "lo robei", y la periodista, estrunfaicada, creye que Quinn ha pasau a suya vida en una garchola. Pero Quinn prencipia a explicar a suya historia, escaicida en 1960. Ex ixas envueltas a Quinn la postergaban siempre en milloras profesionals, encara que yera la cherent mas prestichiosa y dilichent d'a empresa, cuan se li presentó un conserche, lo sinyor Hobbs, un hombre d'abanzada edat, decindo-le que yera bien amán de que li desen palleta y proposando-li que colaborasen toz dos ta robar una chicota cantidat de diamants con os cuals millorar notablement o suyo livel de vida y guaranciar-se la suya chubilación, pero que no estase suficient como ta que se notase la suya ausencia en a gran cantidat de diamants almagacenaus en a cambra cuirazada d'a empresa. En primeras Quinn yera bien reticent, pero a la fin acceptó de colaborar-ie. Cuan a la fin Hobbs fa lo robo, Quinn descubre bien arrapada que Hobbs ha robau tot o conteniu d'a cambra, casi 2 toneladas de diamants, cosa que pareixe imposible. Cuan a empresa de seguros se niega a pagar, Quinn comprén que se troba en bel meyo d'una situación mas complexa d'o que pareixeba y amás l'empresa ha contractau a un investigador, Finch, qui sospeita de Quinn y de Hobbs. Encara que Quinn ni sabe cómo Hobbs ha feito desapareixwr os diamants, casualment un diamant d'un d'os suyos pendients d'armiella caye por lo desaugüe y a la fin comprén a on son os diamants robaus: en a cloaca baixo l'edificio. Cuan i va ta comprebar-lo, troba a Hobbs, qui li explica que él no quiere ni los diners d'un rescate ni los diamants, nomás a satisfacción de veyer en a ruina a lo propietario d'a empresa, culpable d'a muerte d'a esposa de Hobbs. A la fin, a empresa de seguros paga lo rescate, lo culpable d'a muerte d'a muller de Hobbs se suicida, Hobbs desapareixe con os diners y Quinn diz a Finn que ha teniu a revelación de cómo d'ha feito lo robo y a on i son os diamants. Nomás falta que saber a continación y lo final d'a historia.
A cinta s'ambienta en a ciudat de Londres en dos momentos historicos diferents, 1960 y la epoca actual d'a cinta (2007) y las suyas escenas se filmoron en Luxemburgo (Luxemburgo), en Londres (Reino Uniu) y en Francia. Localizacions de Flawless en Internet Movie Database.
Ye una cinta que ha recibiu bel premio, pero no se tracta de garra premio d'os mas conoixius u destacaus d'o panorama cinematografico.
Elenco Flawless en Internet Movie Database. Actor Papel Notas ''''
Se veiga tamién Cine en 2007. Cintas de 2007.
Referencias
Vinclos externos Flawless en Internet Movie Database. Flawless en Rotten Tomatoes. Flawless en Metacritic. Flawless en Box Office Mojo.
Categoría:Cintas ambientadas en Londres Categoría:Cintas ambientadas en 1960 Categoría:Cintas ambientadas en 2017 Categoría:Cintas con banda sonora orichinal de Stephen Warbeck Categoría:Cintas con dirección de fotografía de Richard Greatrex Categoría:Cintas con guión d'Edward Anderson Categoría:Cintas con montache de Peter Boyle Categoría:Cintas de cine d'intriga Categoría:Cintas de cine policiaco Categoría:Cintas de Luxemburgo Categoría:Cintas d'o Reino Uniu Categoría:Cintas dirichidas por Michael Radford Categoría:Cintas en anglés Categoría:Cintas en Color by DeLuxe Categoría:Cintas interpretadas por Ahmed Ayman Categoría:Cintas interpretadas por Constantine Gregory Categoría:Cintas interpretadas por Demi Moore Categoría:Cintas interpretadas por Joss Ackland Categoría:Cintas interpretadas por Lambert Wilson Categoría:Cintas interpretadas por Michael Caine Categoría:Cintas interpretadas por Natalie Dormer Categoría:Cintas producidas por Albert Martínez Martín Categoría:Cintas producidas por Carola Ash Categoría:Cintas producidas por Charles Salmon Categoría:Cintas producidas por Jimmy de Brabant Categoría:Cintas producidas por Mark Williams Categoría:Cintas producidas por Michael A. Pierce Categoría:Cintas producidas por Richard Pierce Categoría:Cintas producidas por Stephen Margolis Categoría:Cintas rodadas en Francia Categoría:Cintas rodadas en Londres Categoría:Cintas rodadas en Luxemburgo (ciudat)