Iste articlo ye sobre un western estausunidense de 1961; ta atros usos, se veiga The Last Sunset.
The Last Sunset (títol orichinal en anglés, en aragonés A zaguer tardada, estrenada en Aragón con o suyo títol traduciu enta lo castellano como El último atardecer) ye una cinta de cine de western dramatico de cine estausunidense estrenada l'anyo 1961, dirichida por Robert Aldrich seguntes un guión adaptau por Dalton Trumbo (basau en Sundown at Crazy Horse, una novela que heba publicau Howard Rigsby l'anyo 1957), con una banda sonora orichinal d'Ernest Gold, una dirección de fotografía d'Ernest Laszlo, una producción cinematografica d'Eugene Frenke y Edward Lewis ta la productora cinematografica Brynaprod y un elenco d'o cual en fan parte, entre d'atros actors, Rock Hudson, Kirk Douglas, Dorothy Malone, Joseph Cotten, Carol Lynley, Neville Brand, Regis Toomey, James Westmoreland, Adam Williams, Jack Elam y John Shay.
Brendan O'Malley ha trescruzau a muga con Mexico ta fuyir d'o "sheriff" Dana Stribling, qui lo persigue por asasinato. Plega enta un rancho, propiedat d'a suya antiga amant Belle Breckenridge, a qui ye decidiu a recuperar. En o rancho i vive tamién a suya filla Melissa, una mesacha de 16 anyos, y su mariu John Breckenridge, qui gosa levar canyimera. Iste deseya conducir o suyo vacumen enta Texas, y contracta a O'Malley por a cinquena parte d'os animals, amás de que iste advierte a Breckenridge de que se levará tamién a su muller, malas que i pleguen enta la muga. Como amenistan personal, tamién li diz que con éls viachará un atro hombre bien capable de fer servir as armas, qui diz que bien luego i plegará, y que no ye atro que lo sheriff Stribling. Efectivament, iste i plega enta lo rancho y, encara que en pimeras no accepta de partecipar en o traslau d'os animals, finalment sí que lo fa, advertendo a O'Malley que l'arrestará en plegar enta los Estaus Unius. Mientres o viache, s'escayecen bellas cosas: en primeras, Breckenridge muere en un bar acusau de cobardía por atros antigos soldaus d'os Estaus Confederaus d'America; d'atra man, Stribling siente cada vegada mas atracción por Belle, a la que ista correspon, y, finalment, Melissa s'enamora de Brendan, y iste d'ella. Encara que con problemas y dificultaz, finalment plegan enta la muga con os Estaus Unius, a on se i decidirá a la fin tot.
A cinta s'ambienta en a segunda metat d'o sieglo XIX en Mexico y Texas en os Estaus Unius, y las suyas escenas se filmoron en Aguascalientes (Aguascalientes), Victoria de Durango (Durango), Ciudat de Mexico y Bavispe y Huachinera y atros puestos en Sonora en Mexico, amás d'en os Universal Studios en Universal City (California) en os Estaus Unius. Localizacions de The Last Sunset en Internet Movie Database.
Ye una cinta que ha recibiu bella nominación a bel premio, encara que no a garra premio d'os mas conoixius u destacaus d'o panorama cinematografico internacional.
Elenco The Last Sunset en Internet Movie Database. Actor Papel Notas ''''
Se veiga tamién Cine en 1961. Cintas de 1961.
Referencias
Vinclos externos The Last Sunset en Internet Movie Database. The Last Sunset en TCM Movie Database. The Last Sunset en Letterboxd.
Categoría:Cintas ambientadas en Mexico Categoría:Cintas ambientadas en Texas Categoría:Cintas ambientadas en o sieglo XIX Categoría:Cintas con banda sonora orichinal d'Ernest Gold Categoría:Cintas con dirección de fotografía d'Ernest Laszlo Categoría:Cintas con guión de Dalton Trumbo Categoría:Cintas con montache de Michael Luciano Categoría:Cintas de cine de drama Categoría:Cintas de western Categoría:Cintas d'Estaus Unius Categoría:Cintas dirichidas por Robert Aldrich Categoría:Cintas en anglés Categoría:Cintas en castellano Categoría:Cintas en Eastmancolor Categoría:Cintas interpretadas por Adam Williams Categoría:Cintas interpretadas por Carol Lynley Categoría:Cintas interpretadas por Dorothy Malone Categoría:Cintas interpretadas por Jack Elam Categoría:Cintas interpretadas por James Westmoreland Categoría:Cintas interpretadas por John Shay Categoría:Cintas interpretadas por Joseph Cotten Categoría:Cintas interpretadas por Kirk Douglas Categoría:Cintas interpretadas por Neville Brand Categoría:Cintas interpretadas por Regis Toomey Categoría:Cintas interpretadas por Rock Hudson Categoría:Cintas producidas por Edward Lewis Categoría:Cintas producidas por Eugene Frenke Categoría:Cintas rodadas en Aguascalientes (Aguascalientes) Categoría:Cintas rodadas en Bavispe Categoría:Cintas rodadas en Ciudat de Mexico Categoría:Cintas rodadas en Huachinera Categoría:Cintas rodadas en Sonora Categoría:Cintas rodadas en Universal City Categoría:Cintas rodadas en Victoria de Durango