Ta atros emplegos d'o toponimo Zuera, se veiga Zuera (desambigación).

Zuera ye una villa y municipio d'a provincia de Zaragoza (Aragón), situato en a Comarca Central.

A suya población ye de 8.576 habitants (2016), en una superficie de 333,17 km² y una densidat de población de 25,24 hab/km².

Toponimia O toponimo Zuera ye d'orichen arabe y significa penya. En os textos medievals escritos en latín u en aragonés ye Zuera, Zufera, Zhuera, Çuera, Çuffarie, Çofera, Çoera, Çohera.

Cheografía A localidat de Zuera se troba situata a 280 metros d'altaria sobre o livel d'a mar, a una distancia de 25 km a lo norte d'a ciudat de Zaragoza, a capital d'a suya comarca, d'a suya provincia y d'Aragón.

Clima A suya temperatura anyal ye 13.82 °C, con una temperatura meya en chinero de 5.5 °C y en chulio de 23.3 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).

Historia Esta localidat fue repoblada con gascons dimpués d'a reconquiesta. Estió una villa con voto en as Corz d'Aragón. Seguntes Chuan Baptista Labanya, as aldeyas de Lecinyena y Sant Mateu dependeban de Zuera. En 1366, Pero IV vendió a lo concello de Zaragoza a suya sinyoría y churisdicción en esta villa por 170.000 sueldos chaqueses porque li yera menester recursos en a guerra contra Castiella. Os vecins de Zuera s'oposaban a esto y preboron de recaudar la mesma suma pa que no los deseparasen de la Corona.

Luengas y parlas

A luenga tradicional de Zuera ye o castellano d'Aragón, con substrato aragonés por haber-se charrau esta luenga en a baixa Edat Meya. O lexico d'intrés etnografico de Zuera se conoix relativament bien por figurar esta localidat en l'ALEANR, con a sigla Z 402. Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3. Antiparte, bi ha un estudio lexico publicau en l'anyo 2002. Jesús Marco Bosque: Vocabulario de Zuera. 2002.

Demografía

Administración Reparto de concellers Eleccions municipalsArchivo electoral Partiu 1979 1983 1987 1991 1995 1999 2003 2007 2011 2015 2019 Partido de los Socialistas de Aragón 4 10 8 8 6 7 7 6 6 5 6 Partido Popular - - - 2 4 5 6 6 6 4 4 Independients 3 - - - - - - - - 1 1 Somos Zuera - - - - - - - - - 2 1 Partido Aragonés - 3 4 2 3 1 0 1 1 1 1 Partido Comunista de Aragón/Izquierda Unida - - 1 1 0 - - - - - - Unión de Centro Democrático 4 - - - - - - - - - - Total 11 13 13 13 13 13 13 13 13 13 13

Alcaldes Lista d'alcaldes Lechislatura Nombre Partiu politico1979–1983 Andrés Cuartero Partido de los Socialistas de Aragón1983–1987 Javier Puyuelo Castillo Partido de los Socialistas de Aragón1987–1991 Javier Puyuelo Castillo Partido de los Socialistas de Aragón1991–1995 Javier Puyuelo Castillo Partido de los Socialistas de Aragón1995–1999 José Manuel Larqué Partido Popular1999–2003 Javier Puyuelo Castillo Partido Popular2003–2007 Francisco García Marcuello Partido Popular2007–2011 José Manuel Larqué Gregorio Partido Popular2011–2015 José Manuel Larqué Gregorio Partido Popular2015–2019 Luis Antonio Zubieta Lacámara Partido de los Socialistas de Aragón2019–2023 Luis Antonio Zubieta Lacámara Partido de los Socialistas de Aragón2023–2027 Luis Antonio Zubieta Lacámara (dica chulio de 2023) Marta Garú: Muere atropellado el alcalde de Zuera, Luis Zubieta, cuando circulaba en bici por la N-330, en Heraldo de Aragón, 1 de chulio de 2023. Partido de los Socialistas de Aragón

Fiestas Os suyos patrons son Sant Licer (evanchelizador de Biarn) y a Virchen de Salz. Tien dos fiestas, as grans en honor a Sant Licer que se celebran a zaguera semana d'agosto, y as chicotas en honor d'a Virchen de Salz, en primavera.

Esportes O fútbol ye representato por o Club Deportivo Zuera. L'atletismo ye representato por l'Asociación Esportiva Atletismo Zuera.Pachina web oficial de l'Agrupación Deportiva Atletismo Zuera.

Personalidaz naixitas de Zuera :Categoría:Naixius de Zuera

Referencias

Se veiga tamién

Linia 200 d'Adif. Estación de Zuera. Garchola de Zuera.

Bibliografía Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3. Jesús Marco Bosque: Vocabulario de Zuera. 2002.

*