O Real Zaragoza ye un club de fútbol aragonés, d'a ciudat de Zaragoza. Estió establito en 1932 y actualment chuga en a Primera Federación (Grupo II).
Historia Antecedents 150px|thumb|Escudo d'o Zaragoza CD. 150px|thumb|Escudo d'o Iberia SC. En 1903, atamas d'o esconoiximiento cheneral d'a sociedat sobre o fútbol, naixe o primer equipo local, o Zaragoza Fútbol Club, a on a lo prencipio se impartiban as nocions basicas d'iste esporte ta mirar de reunir prous chugadors ta formar l'equipo. Manimenos, a versión moderna de l'equipo estió establita en 1921 por un grupo de estudiants de Medicina y recibe un nombre diferent, Zaragoza CD, anque ye conoixito con a embotada d'os "tomates" por o suyo uniforme royo. Entre 1924 y 1925 l'equipo se fusiona con os equipos menors Fuenclara y Stadium, alquirindo mayor fuerza aintro d'o fútbol local y tamién trestallando-lo ya que existiba antimás unatro equipo en a ciudat lIberia SC.
L'''Iberia SC naixe tamién en os primers anyos d'o sieglo XX y se torna en l'equipo dominador d'o fútbol local por a suya estructura, ya que atrayeba gran cantidat de publico a los partius y premitiba a participación d'o sector popular en as suyas filas. En os suyos primers anyos tenió dos oportunidaz de puyar ta la primera división espanyola, anque a la fin no lo consiguió. A iste equipo le metioron a embotada d'os "vriespas".
Fundación right|thumb|Logo comercial d'o Real Zaragoza mentres os anyos novanta y dosmil. right|thumb|Escudo d'o Zaragoza Foot-ball Club.
O club estió establito lo 18 de marzo de 1932, con o nombre de Zaragoza Foot-ball Club, dimpués d'a desaparición d'o Iberia SC y o Zaragoza CD como consecuencia d'os suyos problemas economicos, cuan deciden fusionarse per formar aquesto. D'ista traza se respondeba a la demanda d'un gran club por parti d'a Federación Aragonesa de Fútbol. Con a fusión s'hereda la sección de natación que teneba l'Iberia, per lo que se creya tamién la sección de natación d'o Zaragoza Club de Futbol que se zarró con o comienzo d'a Guerra Cívil espanyola en 1936 y ya no tornó a restablir-se, tamién s'hereda a sección d'atletismo d'o Real Zaragoza pero no se formaliza dica 1934. En a temporada 39-40, dimpués d'a Guerra Civil, o Real Zaragoza chugó por primera vegata en Primera división. Estió en ixa decada cuan o Real Zaragoza reunió a suya primera cheneración destacata de chugadors, a conoixita como "Los Alifantes". Se diz que a embotada d'Alifantes apareixió mientres un partiu en Barcelona contra o CE Júpiter, cuan o Real Zaragoza ganaba por 0-3 un periodista aragonés sintió que un aficionato local deciba -"ye imposible de meter-les un gol, son como Alifantes"-, debito segurament a la gran altaria d'os chugadors aragoneses, bels cuantos d'ellos por dencima de 1'90. En l'anyo 2007 se celebró lo 75 cabo d'anyo d'o naiximiento d'o club.
Decada d'os 40 y os 50 En as dos siguients decadas, os 40 (conoixita como A epoca negra) y os 50 (caracterizata por l'equipo dito "Los millonarios") o Real Zaragoza dondió por o Campionato de Liga puyando y baxando de contino entre primera y segunda división. En a decada de 1940-50, l'equipo vive a suya pior etapa. En primeras desciende ta la Segunda División dimpués de dos anyos en Primera. Anque tornó ta la primera categoría en un anyo, baixó unatra vegata y dica l'anyo 1951 no tornaría a Primera (o mesmo anyo en o que adotó l'adchectivo "Real" (reyal) en o suyo nombre) baixando mesmo ta la Tercera División en 1947. A la fin d'os 40 y prencipios d'os 50 marcarba la epoca de "Los Millonarios", por a gran cantidat de diners que o president Julián Abril invirtió en os chugadors, pero bellas tensions en a plantilla facioron que ista epoca rematase con a tornata ta la Segunda División en l'anyo 1953.
Decada d'os 60 Ye en a decada d'os 60 cuan o club vive os suyos millors anyos con o mitico equipo d'"Os Magnificos", debantera formada por Canario, Santos, Marcelino, Villa y Lapetra, que levoron l'equipo ta cuatro finals de Copa d'Espanya, (en 1963, 1964, 1965 y 1966) d'as que ganoron dos (1964 contra l'Atlético de Madrid 1-2 con gols de Lapetra y Villa; y 1966 frent a l'Athletic de Bilbao con gols de Villa y Lapetra de nuevas), ta dos finals d'a Copa de Ferias (1964 y 1966) d'a que ganoron a primera contra o Valencia CF con gols de Villa y Marcelino, y una semifinal d'a Recopa de Europa (1965, estando redotatos por o West Ham Utd anglés).
Decada d'os 70 En a decada d'os 70 y d'a man de José Ángel Zalba, unatro equipo marcó una epoca en o Club: "Os Zaraguayos", clamatos asinas en honor a la colla de chugadors uruguayos y paraguayos que feban parti d'ixe equipo; "Cacho" Blanco, Soto, "Lobo" Diarte, Ocampos y "Nino" Arrua, que estió nombrato o millor chugador d'America y yera lo líder de l'equipo. Anque o suyo chuego les fació famosos, de man d'o entrenador Luis Cid Carriega, no consiguioron garra títol, estando un subcampionato de copa en 1976 o suyo millor momento. Ta par d'alavez s'obtenioron os millors resultatos en a Primera división espanyola, tercers en l'anyada 1973/74 y segundos en a 1974/75, (encara se remera o 6-1 contra o Real Madrid, en dita temporada). Ista racha remató con o descenso de l'equipo en 1976/77, puyando ta Primera unatra vegata en l'anyada siguient.
Decada d'os 80 En a decada d'os 80 a trachectoria esportiva estió prou regular, estando los unicos trunfos destacables a Copa de 1986, ganata a lo FC Barcelona y a semifinal d'a Recopa d'Europa en 1987, a on estioron eliminatos por l'Ajax d'Amsterdam. En 1988 deixó a presidencia d'o club Miguel Beltran y José Ángel Zalba se tornó unatra vegata en president.
Decada d'os 90 thumb|190px|left|O Real Zaragoza mentres o partido final d'a Copa d'o Rei en o Santiago Bernabeu de Madrid, que perdioron debant d'o RCD Espanyol.thumb|190px|right|José Ángel Zalba, l'hombre que ha presidito mas anyos a lo Real Zaragoza.
En 1991 y baixo a presidencia de José Ángel Zalba prencipia a entrenar por primera vegata Víctor Fernández como entrenador de primera division, en 1992 o club ha de tornar-se en Sociedat Anonima, y ye en ixe inte cuan remata a presidencia de José Ángel Zalba y Alfonso Soláns pai merca a mayor parti d'as accions d'o club. Con un choven Víctor Fernández como entrenador en a temporada 1991/1992 l'equipo se clasifica ta la UEFA y prencipia asinas una etapa de exitos: en 1993 se plega en a setena final de Copa, que remata con una redota debant d'o Real Madrid; en 1994 se gana a copa a lo Celta de Vigo en os tiros de penaltis y quedando tercers en a Liga.
Manimenos ye o 10 de mayo de 1995 cuan o Zaragoza obtiene o suyo mayor trunfo: en o Parque d'os Prencipes de París gana a l'Arsenal FC por 2 a 1, proclamando-se campión d'a Recopa d'Europa de 1995. Ista victoria estió encara mas important porque o 2-1 definitivo s'aconsiguió faltando 10 segundos ta la fin d'o partiu con un gol de Nayim dende metat d'o campo, a mas de 60 metros d'a puerta. Iste equipo estió clamato a "Quinta de París" y l'once titular yera formato por: Cedrún, Belsué, Cáceres, Aguado, Solana, Nayim, Poyet, Aragón, Higuera, Esnáider y Pardeza. A l'anyo siguient chugó a Supercopa d'Europa pero la perdió contra l'Ajax d'Amsterdam.
En 1996 Alfonso Soláns fillo se convirtió en president d'a entidat, prencipiando una epoca de piors resultatos economicos y esportivos, sacato un buen puesto en a Liga en l'anyada 1999/2000.
Anyos 2000 En ista epoca l'equipo chuga tres finals de Copa: en 2001, que ganará a lo Celta de Vigo por 1-3, en 2004, cuan vence a lo Real Madrid por 3-2 y en 2006 que pierde con o RCD Espanyol por 4-1. Tanimientres, en a temporada 2001/02 baixa ta la Segunda División tornando ta la primera categoría a temporada siguient. En la temporada 2004/05 se gana la Supercopa d'Espanya a lo Valencia CF, dimpués de perder por 0-1 en La Romareda y ganar en Mestalla por 1-3. right|thumb|180px|Logotipo per os 75eno aniversario d'o Real Zaragoza.
En l'anyada 2006/07 o club cambea de propietario, estando agora l'empresario Agapito Iglesias o maximo accionista y Eduardo Bandrés o nuevo president, tornando Víctor Fernández ta lo banquet. En a primera temporada d'o nuevo president, o club consigue a clasificación ta chugar a Copa d'a UEFA habendo quedato en a seisena posición en o Campionato espanyol de Liga.
O Real Zaragoza ficha en a primera temporada d'Agapito Iglesias y Eduardo Bandrés a seis chugadors: Aimar, Diogo, Sergio Fernández, Piqué, D'Alessandro y Juanfran. Tamién se produce un cambio en a estructura administrativa d'o club destacando a baixa de Jerónimo Suárez como director cheneral y l'alta de Manuel de Miguel como director de comunicación.
En a temporada 2007-2008 o Real Zaragoza incorpora de verano a ueito chugadors: López Vallejo, Ayala, Pavón, Matuzalem, Gabi, Paredes, Oliveira y Luccin.
75 anyos d'historia O club cumplió en l'anyo 2007 75 anyos d'historia, o club organizó diversos actos institucionals y espotius pa celebrar-lo. En a parti esportiva, antimás d'a gran anyada que tenió l'equipo, o 18 de marzo de 2007 se celebró una fiesta en La Romareda con un partiu commemoratiu entre o Real Zaragoza y l'Atlético de Madrid.
Estadio O estadio de la Romareda s'inaguró con un partiu entre o Real Zaragoza y l'Osasuna o 8 de setiembre de 1957, estando president d'o club manyo Cesáreo Alierta. Ganoron os locals 4-3 con gols de Vila (o primer gol en La Romareda), Wilson, Murillo y Vila por segunda vegada y Areta, Gabino y Glaría ta os foranos.
O campo tenió cuantos apanyos entre 1977, cuan se construyioron os nuevos escalerons cubiertos de Norte y Sud y en 1982 cuan se construyioron as cubiertas de cheneral posato debito a que o estadio iba a estar seu d'o Mundial d'Espanya '82. As zagueras obras se facioron en 1994 ta adecuar-lo ta la normativa d'a UEFA que obliga a que bi haiga posientos en todas as localidaz.
Dende os anyos 2.000 dende lo club se fan intentos de construcción d'un nuevo estadio en unatra ubicación cercana a la ciudat, destacando un prochecto de construcción pa un nuevo campo situau en o barrio de Sant Chusé que substituyiría a l'actual estadio de La Romareda con o nombre de Nuevo estadio de San José.
Plantilla 2025/26 Ta plantillas d'anyos anteriors se veiga Lista de plantillas d'o Real Zaragoza
Como desichen as normas d'a LFP, os chugadors d'a primera plantilla han de levar os dorsals de l'1 a o 25, entre que d'o 25 enta debant serán chugadors de l'equipo filial. Asinas, os chugadors con dorsals superiors a o 25 son, a toz os efectos, chugadors d'o Deportivo Aragón y como tals, podrán compachinar partius con o primer y segundo equipo. A lista incluye nomás a nacionalidat prencipal de cada chugador. Beluns d'os chugadors no europeus tienen doble nacionalidat de bel país d'a Unión Europea: Adrián tiene pasaporte archentino y espanyol.Equipo tecnico:Entrenador:18px|border Rubén Sellés.Segundo entrenador:18px|border Toni Astorgano.Entrenador de porteros:18px|border Joaquin Moso.Preparadors fisicos:18px|border Miki Lampre.18px|border Pablo Quílez.18px|border Andrés Ubieto.Analistas y aduyants:18px|border Chus Herrero.18px|border Maikel Marcos.18px|border Jesús Cabrero.
Chugadors famosos border|22px Belsué. border|22px Lapetra. border|22px Juli Gonzalvo. border|22px Güerri. border|22px Villaroya. border|22px José Luis Violeta. border|22px Víctor Muñoz. border|22px Javier Planas Abad. border|22px Brehme. border|22px Aragón. border|22px Pardeza. border|22px Juan Manuel Villa. border|22px Carlos Chaínho. border|22px Juan Barbas. border|22px Esnáider. border|22px Luciano Galletti. border|22px Roberto Ayala. border|22px Kily. border|22px Gustavo López. border|22px Gaby Milito. border|22px Marcelo Trobbiani. border|22px Jorge Valdano. border|22px Pablo Aimar. border|22px Diego Milito. border|22px Andrés D'Alessandro. border|22px David Villa. border|22px Pichi Alonso. border|22px Cafu. border|22px Sávio. border|22px Canario. border|22px Santos. border|22px Paco Jémez.