Antigua y Barbuda ye un país islenco d'America, que se troba situato en America Central, en l'Oceano Atlantico. Formato por as islas de Antigua, Barbuda y Redonda, fa parte d'as Antillas, y tien a suya capital en Saint John's.
A suya población yera de 85.567 habitants en o 2011 en una superficie de 442 km², con una densidat de población de 193,5 hab/km².
Etimolochía En la era precolombina las islas teneban nombres autoctonos; Antiga yera clamada Wadadli y Barbuta/Barbuda Wa'omoni per los Arahuacos.
Con os nombres actuals estioron denominadas asinas dende la arribada de Cristóbal Colón que estió qui las renombró en l'anyo 1493: la primera en honor a la Virchen de l'Antiga (que la suya imachen se venera en a Seu de Sevilla) y la segunda per las radices aerias d'as figueras que teneban l'aspecto de barbas. La ideya que se tratase d'una alusión a indichenas barbutos/barbudos carece de base documental, pero ha estau mencionada frecuentment.
Organización politico-administrativa
left|150px|thumb|As parroquias d'Antigua
A isla d'Antigua se divide en seis parroquias u parishes en anglés:
1 Saint George (4,473). 2 Saint John (14,121). 3 Saint Mary (5,303). 4 Saint Paul (6,117). 5 Saint Peter (3,622). 6 Saint Philip (2,964).
Tanto a isla de Barbuda como a isla deshabitata de Redonda tienen o estatus de dependencia.
Esporte Categoría principal: Esporte en Antigua y Barbuda.
250px|thumb|dreita|Estadio Sir Vivian Richards.
Los deportistas d'o país antes de 1958 no teneban representación propia d'o suyo país y participaban en competicions y equipos de l'Imperio Britanico, mientres o periodo 1958-1962 con a Federación d'as Indias Occidentals, y dimpués d'a disolución d'a Federación s'empecipian a organizar estamentos esportivos propios pa organizar competicions y poder participar en competicions internacionals.
Como parte d'as colonias de l'Imperio Britanico lo esporte en lo país ye influenciau per la cultura d'o Reino Uniu, per lo que ye fácil endevinar perque i hai una gran afición a lo críquet, que ye lo esporte mas popular y con mas livel d'o país. Atros esportes populars son lo fútbol y lo rugby, en epocas recients son surtindo atletas que son obtenendo buenos resultaus y marcas en prebas de velocidat.
En críquet no tiene selección nacional propia participando en cualques competicions internacionals sino que participa con un equipo combinau denominau Indias Occidentals.
Instalacions esportivas Dentre as instalacions esportivas cal destacar o Estadio Sir Vivian Richards, un con una capacidat de 20.000 espectadors, y lo Antigua Recreation Ground con 12.000. Toz dos estadios son prencipalment utilizaus pa la practica d'o críquet, tamién son utilizaus ocasionalment pa partius de fútbol.
Competicions esportivas As Indias Occidentals estiorno a seu d'a Copa Mundial de Críquet en a edición de 2007. Antigua y Barbuda estió una d'as subseus y se chugoron ueito partius.
Antigua y Barbuda en os Chuegos Olimpicos 50px en os Chuegos Olimpicos. Categoría principal: Antigua y Barbuda en os Chuegos Olimpicos.
Antes de 1958, los Atletas d'Antigua y Barbuda teneban la oportunidat de participar en os Chuegos Olimpicos como miembros de l'equipo d'o Comité Olimpicos d'o Reino Uniu, posteriorment mientres o periodo 1958-1962 participoron como parte d'a Federación d'as Indias Occidentals en os Chuegos Olimpicos de Roma 1960 baixo ixa bandera. L'Asociación Olimpica d'Antigua y Barbuda se formó en l'anyo 1966 dimpués d'a disolución d'a Federación d'as Indias Occidentals en 1962, y estió reconoixida en 1976, anyo dende que participa en los Chuegos Olimpicos dende los de Mont-reyal 1976, en os de Moscú 1980 no participó perque se adhibió a lo grupo que realizó lo Boicot, dende alavez participa de forma consecutiva en os de verano no participando en garra edición de los d'hibierno, no aconseguindo garra medalla dica l'actualidat.
Referencias
Vinclos externos [www.ab.gov.ag Pachina web oficial d'o gubierno d'Antigua y Barbuda].
*