Berdún ye un lugar d'a provincia de Uesca, en o municipio aragonés d'a Canal de Berdún, en a comarca d'a Chacetania y partiu chudicial de Chaca. Ye a capital d'o municipio, y fa parte d'a diocesi de Chaca.
A suya población ye de 252 habitants (2010).
Cheografía A localidat de Berdún se troba situata a 688 metros d'altaria sobre o livel d'a mar. en un pueyo testimonial entre os ríos Aragón y Veral, amán d'o suyo forcallo, y a una distancia de 80 km d'a ciudat de Uesca, a capital d'a suya provincia.
Cheodesia Bi ha un vértiz cheodesico a una altaria de 623 metros dende o livel d'a mar Fuella d'o vértiz cheodesico en o canto dreito d'a carretera entre Berdún y Martés.
Historia Seguntes Agustín Ubieto Arteta, a primera cita d'o lugar ye de 971, recullita en a obra d'o suyo chirmán Antonio Ubieto Arteta Cartulario de Siresa, en Textos medievales, 2 (Valencia, 1960), y documenta as variants Berdun, Berdune, Berdunie, Verdun, Uerdun y Uerduno. Ubieto Arteta, Agustín: Toponimia aragonesa medieval, Valencia, 1972, pachina 57.
En 1363 se cedioron os dreitos reyals sobre Berdún a Juan Ramírez de Arellano, qui ampró a la Corona 120.000 sueldos barceloneses. Eloy Fernández Clemente (dir.): Historia de Aragón, La Esfera de los LIbros, Madrit, 2008, pachina 305.
Toponimia Berdún ye un toponimo d'orichen celta, relacionato con a tribu celta d'os suessetans, y o suyo significato ye o pueblo en a montanya (de berg, "montanya" y dunum, "lugar fortificato" u "pueblo fortificato"),<ref> Manuel Benito Moliner: Pueblos del Alto Aragón: el origen de sus nombres.</ref> nombre que describe perfectament a situación d'o lugar en un pueyo enclavato en meyo d'a val d'o río Aragón.
Luengas y parlas O lexico aragonés d'intrés etnografico de Berdún se conoixe un poquet por figurar esta localidat en l'ALEANR con as siglas Hu 105. Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
Demografía
Molimentos Ilesia parroquial de Santa Olaria de Mérida, una ilesia de finals d'o sieglo XV u prencipios d'o sieglo XVI en esilo gotico, con una sola nau, adedicada a Santa Olaria de Mérida.
Comunicacions N-240.
Personalidaz Categoría principal:'' Naixitos de Berdún. Lorenzo Normante y Carcaviella, economista y catedratico (n.1759).
Vinclos externos
Referencias
Categoría:Lugars d'a provincia de Uesca Categoría:Vertices cheodesicos d'Aragón Categoría:Lugars d'a Canal de Berdún Categoría:Localidaz d'a diocesi de Chaca en a Chacetania