CD Tauri (CD Tau) ye un sistema estelar na constelación de Tauru que s'atopa a 225 años lluz del Sistema Solar. Ta compuestu poles estrelles CD Tauri A (HD 34335 / HIP 24663 / BD+19 886), de magnitú aparente +6,77,V* CD Tau -- Eclipsing binary of Algol type (SIMBAD) y CD Tauri B (HD 34335B / BD+19 886B), de magnitú +9,88.BD+19 886B -- Star in double system (SIMBAD)
CD Tauri A ye, de la mesma, una estrella binaria que les sos componentes son estrelles de tipu espectral F5 IV y F7 V (otros autores clasifiquen dambes estrelles como F6 V). La componente principal, 4,29 vegaes más lluminosa que'l Sol, tien una masa de 1,44 mases solares y un radiu un 80% más grande que'l radiu solar —valor que suxer que ye una subxigante abandonando la secuencia principal—. El so acompañante, con 1,37 mases solares y un radiu un 58% mayor que'l radiu solar, tien el 78% de la lluminosidá de la so compañera. La velocidá de rotación proyeutada ye de 28 y 26 km/s respeutivamente. El par constitúi una binaria eclipsante que'l so periodu orbital ye de 3,4351 díes. L'eclís principal y el secundariu son práuticamente iguales, con un amenorgamientu de rellumu de 0,57 y 0,54 magnitúes respeutivamente.
CD Tauri B, visualmente a 10 segundos d'arcu de CD Tauri A, ye probablemente una nana naranxa de clase K2. La so masa equival a un 74% de la masa solar. Emplega más de 11.000 años en completar una órbita alredor de la binaria eclipsante. El sistema tien una metalicidá asemeyada a la solar ([Fe/H] = +0,08) y la so edá envalórase en 3200 millones d'años.
Referencies
Categoría:Estrelles Categoría:Subxigantes Categoría:Estrelles variables Categoría:Constelación de Tauru