Eta Antliae (η Ant / HD 86629 / HR 3947)Eta Antliae (SIMBAD) ye una estrella na constelación d'Antlia, la máquina neumática. De magnitú aparente +5,24, ye la quinta estrella más brillosa de la mesma. Alcuéntrase a 106 años lluz de distancia del Sistema Solar.
Carauterístiques Eta Antliae ye una estrella blancu-mariella de la secuencia principal de tipu espectral F1V y 7164 K de temperatura, similar a η Corvi, π Canis Majoris o η Leporis. Catalogada enantes como subxigante ya inclusive xigante,Eta Antliae (The Bright Star Catalogue) la so lluminosidá —6,6 vegaes mayor que la solar— correspuende a una estrella que, como'l Sol, llogra la so enerxía per mediu de la fusión d'hidróxenu. El so radiu, un 70% mayor que'l radiu solar, acota la so estatus como estrella de la secuencia principal.
Con una masa de 1,55 mases solares, la so edá envalórase nunos 900 millones d'años. Como asocede nun gran númberu d'estrelles reparaes, tien un conteníu de litiu mayor que Sol, concretamente unes 660 vegaes mayor.
Eta Antliae forma un sistema binariu con una compañera de magnitú 11,3. La separación visual ente dambes ye de 31,1 segundos d'arcu, que correspuende a una distancia real ente elles de más de 1000 UA.
Referencies
Categoría:Estrelles Categoría:Estrelles binaries Categoría:Constelación de Antlia