Gliese 393 (GJ 393 / HIP 51317 / Ross 446)LHS 2272 - High proper-motion Star (SIMBAD) ye una estrella de magnitú aparente +9,63. Alcuéntrase na constelación de Sextans (el sestante) a pocu menos d'un grau al norte del ecuador celeste. Falta 23,6 años lluz del Sistema Solar y les estrelles más cercanes a ella son Gliese 382 y EE Leonis, asitiaes respeutivamente a 3,26 y 3,43 años lluz de distancia.Stars within 15 light-years of Bonner Durchmusterung +1°2447. The Internet Stellar Database
Gliese 393 ye una nana colorada de tipu espectral M2.5V. Tien una temperatura efectivo de 3403 K y una masa equivalente al 47% de la masa del Sol, rellumando con una lluminosidá bolométrica igual al 5,0% de la lluminosidá solar. La midida del so diámetru angular —0,607 milisegundos d'arcu— dexa calcular el so diámetru real, daqué inferior a la metá del que tien el Sol. Xira sobre sigo mesma con una velocidá de rotación inferior a 1,1 km/s. Exhibe una metalicidá —bayura relativa d'elementos más pesaos que'l heliu— inferior a la solar ([Fe/H] = -0,12).
Gliese 393 ye una estrella nueva con una edá averada de 70 millones d'años y ye miembru de l'Asociación estelar de AB Doradus.
Referencies
Categoría:Estrelles Categoría:Nanes coloraes Categoría:Constelación de Sextans