Tau Cygni (τ Cygni / 65 Cygni)CCDM J21148+3803AB -- Double or multiple star (SIMBAD)Tau Cygni (The Bright Star Catalogue) ye una estrella múltiple na constelación del Cisne de magnitú aparente +3,74. Alcuéntrase a 66,3 años lluz del Sistema Solar.

Componentes del sistema estelar Anque esisten nueve posibles estrelles que pueden formar parte del sistema estelar —nomaes con lletres dende la «A» hasta la «I»—, non toes elles son verdaderes componentes del mesmu. El movimientu relativu de les llamaes Tau Cygni C, D y E al respective de la estrella principal, Tau Cygni A, indica que nun son compañeres reales. Probablemente'l par Tau Cygni GH —de la mesma una estrella binaria compuesta por dos nanes coloraes— tampoco forme parte del sistema.Tau Cygni (Stars, Jim Kaler)

Tau Cygni A Tau Cygni A (GJ 9728 A / GJ 822.1 A) tien magnitú aparente +3,84 y ta catalogada como una subxigante blancu-mariella de tipu espectral F2IV,GJ 9728 A -- Star in double system (SIMBAD) anque se suxirió qu'inda s'atopa dientro de la secuencia principal. Con una temperatura efectivo bien conocida de 6660 K, la so lluminosidá ye 8,4 vegaes mayor que la lluminosidá solar. Tien un radiu 2,2 vegaes más grande que'l del Sol y la so velocidá de rotación ye de siquier 96 km/s, lo que trai un periodu de rotación inferior a 1,1 díes. La so masa ye de 1,55 mases solares y tien una edá envalorada de 2500 millones d'años.

Ye una variable Delta Scuti que'l so rellumu varia 0,1 magnitúes.Tau Cygni (General Catalogue of Variable Stars) El periodu de variación ye inciertu, pudiendo tar entendíu ente 2 y 3 hores, y amás puede ser variable.

Tau Cygni B Tau Cygni B (GJ 9728 B / GJ 822.1 B), la segunda estrella más brillosa del sistema, completa una órbita alredor de Tau Cygni A cada 49,62 años. La distancia ente dambes estrelles varia ente 14,1 y 19,8 UA por cuenta de la escentricidá de la órbita; el postreru periastru —distancia mínima ente los dos componentes— tuvo llugar en xineru de 1989. El planu orbital tópase inclináu 46º respectu al planu del cielu.

Tau Cygni B ye una nana mariella de tipu G0V con magnitú aparente +6,44.GJ 9728 B -- Star in double system (SIMBAD) Tien una temperatura superficial averada de 5700 K y ye similar al Sol, anque daqué menos lluminosa qu'ésti.

Tau Cygni F La tercera componente del sistema, denomada Tau Cygni F (GJ 822.1 C / LHS 6374), tien magnitú aparente +12,0.GJ 822.1 C -- Star in double system (SIMBAD) Separada visualmente 90 segundos d'arcu de Tau Cygni A, la distancia real con ella ye de siquier 1770 UA; ello implica que'l so periodu orbital en redol al par AB supera los 43.000 años. Ye una nana colorada de tipu M2.5 que la so masa averada ye de 0,4 mases solares.

Tau Cygni I Completa'l sistema Tau Cygni I (2MASS J21153159+3804391),2MASS J21153159+3804391 -- High proper-motion Star (SIMBAD) visualmente a 534 segundos d'arcu de Tau Cygni A. De magnitú 16, a partir del so rellumu puede deducise que ye una nana colorada de tipu M8 de bien baxa masa. La distancia respeutu al tríu ABC ye de siquier 10.800 UA y emplega más de 650.000 años en completar una órbita.

Referencies

Categoría:Estrelles Categoría:Subxigantes Categoría:Nanes marielles Categoría:Nanes coloraes Categoría:Estrelles variables Categoría:Variables Delta Scuti Categoría:Constelación de Cygnus