Tau Herculis (τ Her / 22 Herculis / HD 147394) ye una estrella de magnitú aparente +3,89V* tau Her -- Long-period variable star (SIMBAD) na constelación d'Hércules. Asitiada a 315 años lluz del Sistema Solar, Tau Herculis foi la Estrella Polar nel añu 7400 e.C. —nel periodu mesolíticu— y volverá selo de nuevu nel añu 18.400.
Catalogada nes bases de datos astronómiques como subxigante de tipu espectral B5IV,Tau Herculis (The Bright Star Catalogue) otros estudios consideren a Tau Herculis una estrella secuencia principal que namái percorrió 2/3 del so periodu de fusión nuclear d'hidróxenu.Tau Herculis (Stars, Jim Kaler) Tien una temperatura efectivo de 15.000 K y relluma con una lluminosidá 700 vegaes mayor que la del Sol. Ye una estrella relativamente masiva de 4,9 mases solares y tien un tamañu 4 vegaes más grande que'l del Sol. Xira sobre sigo mesma con una velocidá de rotación proyeutada de 27 km/s, anque se piensa que la so exa de rotación pue tar apuntando aproximadamente escontra nós, polo que la so velocidá de rotación real pue ser bien cimera al valor anterior.
Tau Herculis nun ye una estrella dafechu estable, tando considerada una estrella B pulsante lenta» (SPB), asemeyada a 53 Persei. El rellumu de Tau Herculis fluctúa aproximao un 5%, reconociéndose dos periodos de 1,15 y 1,28 díes.
A pocu más de segundos d'arcu de Tau Herculis puede reparase una estrella, denomada BD+46 2169B,BD+46 2169B -- Star in double system (SIMBAD) que comparte movimientu propiu con ella. Considerando que realmente forma un sistema binariu con Tau Herculis, ye una nana colorada de tipu M2 —a partir de la so magnitú aparente +14,6— dixebrada siquier 650 UA de la estrella principal.
Referencies
Categoría:Estrelles Categoría:Subxigantes Categoría:Estrelles variables Categoría:Estrelles binaries Categoría:Constelación d'Hércules