Luis José de Ávila Fernández ye un periodista asturianu. Biografía En titulándose como periodista na Escuela Oficial de Periodismu de Madrid, pasó a formar parte del diariu Región d'Uviéu en 1964, del que aportaría a direutor en 1981. Ente 1982 y 1986 lo foi de La Hoja del Lunes y ente 1986 y 1989 de La Voz de Asturias.
Foi corresponsal n'Asturies de l'Axencia EFE, d'Europa Press y del desapaecíu diariu madrilanu Informaciones Hai tamién sío collaborador de les emisores de radio Radio Nacional d'España y Onda Cero, lo mesmo que de Televisión Española n'Asturies y de Radio Asturies de la Cadena SER y de la Televisión del Principáu d'Asturies'. Na actualidá collabora nel diariu La Nueva España, en La Hora d'Asturies y na Radio del Principáu d'Asturies amás del blogue www.deavila.eu
Amás de la so actividá puramente periodística, tamién desempeñó'l cargu de xefe de prensa de la Universidá d'Uviéu (1974-1989), el de presidente de l'Asociación de Prensa d'Uviéu (1990-1998) y el de direutor de comunicación de HUNOSA dende 1986. Ye autor de los llibros "Los 78 conceyos asturianos" y "Unu de los nuesos: Vicente Vallina, el médicu de los mineros".
El 21 de setiembre de 2019 ye ingresáu d'urxencia nel HUCA por un ictusIngresáu n'estáu grave'l periodista uvieín Luis José de Ávila
https://www.elcomercio.es/oviedo/estado-grave-periodista-luis-jose-avila-20190920230722-nt.html. El 22 de setiembre de 2019 muerre a los 74 añosMuerre Luis José de Ávila
https://www.elcomercio.es/asturias/muere-periodista-oviedo-luis-jose-avila-20190922004730-nt.html.
Referencies Biografía en deavila.com
Enllaces esternos
Artículu: Esta ave nun llevanta vuelu
Categoría:Persones d'Uviéu Categoría:Periodistes d'Asturies