Any Asmara, nado como Achmad Ngubaeni Ranusastraasmara en Rowalu o 13 de agosto de 1913 e finado o 22 de febreiro de 1990, foi un escritor indonesio en lingua xavanesa.
Traxectoria Non realizou máis estudos que os de primaria, comezou a publicar en 1932 e sempre escribiu en xavanés. Deixou de publicar en 1942 pola segunda guerra mundial e volveu a editar as súas obras en 1950, converténdose nun autor moi popular, escribiu máis de 70 novelas e arredor de 750 relatos curtos, así e todo tivo moitos imitadores que publicaron co seu sobrenome literario e é difícil establecer o número total das obras que realmente escribiu. As súas obras son melodramas cun argumento amoroso romántico no que trata temas morais con abonda violencia e erotismo.
Notas
Categoría:Nados en 1913 Categoría:Nados en Xava Categoría:Escritores en lingua xavanesa Categoría:Finados en 1990