Porto Rico presentou filmes para o Óscar ó mellor filme internacional dende o ano 1986. O premio é concedido anualmente pola Academia das Artes e das Ciencias Cinematográficas dos Estados Unidos de América a unha longametraxe producida fóra dos Estados Unidos e cuxo diálogo estea principalmente nunha lingua diferente do inglés. O galardón foi creado para a 28ª edición dos premios, sucedendo os premios honoríficos non competitivos que se presentaron entre 1947 e 1955 en recoñecemento dos mellores filmes en lingua estranxeira estreados nos Estados Unidos.
Os candidatos de Porto Rico eran escollidos pola Corporación de Cinema de Porto Rico. Porén, o territorio xa non ten permitido presentar filmes xa que a Academia modificou as regras de tal xeito que os protectorados estadounidenses non poden participar.
Propostas A Academia das Artes e das Ciencias Cinematográficas convidou as industrias cinematográficas de varios países a presentar os seus mellores filmes para o Óscar ó mellor filme en lingua non inglesa dende o ano 1956. O Comité desta categoría supervisa todo o proceso e revisa tódolos filmes enviados. Despois disto, realízase unha votación secreta para determinar os cinco nomeados ó premio. A continuación amósase unha lista dos filmes que presentou Porto Rico para a súa valoración pola Academia co respectivo ano e cerimonia de entrega.
Ano(Cerimonia) Título Director Resultado 1986(59ª) La gran fiesta 1988(61ª) Tango Bar 1989(62ª) Lo que le pasó a Santiago 1994(67ª) Linda Sara 1998(71ª) Héroes de otra patria 2001(74ª) 12 horas 2005(78ª) Cayo 2006(79ª) Ladrones y mentirosos 2007(80ª) Maldeamores Mariem Perez e Carlitos Ruíz 2009(82ª) Kabo & Platon 2010(83ª) Miente 2011(84ª) América
Notas
Categoría:Cinema de Porto Rico Porto Rico