José Luis Rodríguez Moreno, coñecido como José Luis Moreno, nado o 16 de abril de 1947 en Madrid, é un actor, ventrílocuo, presentador de televisión, e empresario español, propietario da produtora Miramón Mendi, que foi creada no ano 1988.
Traxectoria Dende os seus comezos dedicouse ao mundo do espectáculo e da produción televisiva. Ao longo dos anos organizou galas, espectáculos puntuais ou series en distintas cadeas españolas coma TVE, Antena 3 ou Telecinco, ademais de en diversas canles autonómicas, como foi o programa Entre amigos e algunhas internacionais, como a RAI.
Ata o de agora, o seu maior éxito foi Aquí no hay quien viva (2003). Cedeu os dereitos desta serie a canles televisivas francesas e italianas para a retransmisión dunha versión desta serie neses países. Outras series que produciu Miramón Mendi para Antena 3 foron La sopa boba (2004) e A tortas con la vida" (2005-2006). En TVE dirixiu o programa de variedades Tu Gran Noche durante dous anos e Noche de Fiesta durante outros cinco anos máis. Dende o ano 2000 ata o 2004 dirixiu tódolos programas especiais de fin de ano de TVE-1. No ano 2005 dirixiu o de Antena 3. Durante o verán de 2002 dirixiu en Antena 3 o programa Verano Noche.
José Luís Moreno tamén traballou no filme de Santiago Segura Torrente 2: Misión en Marbella'', na que interpretou a Spinelli, un terrorista disposto a facer estoupar Marbella cuns mísiles. No filme compartía cabeceira con Santiago Segura, Gabino Diego, Tony Leblanc e Inés Sastre. José Luis Moreno traballou tamén no teatro, dirixindo e producindo tanto óperas coma zarzuelas. Durante o ano 2005 produciu obras de teatro na sala La Latina.
Moreno Categoría:Nados en Madrid Categoría:Empresarios dos medios de comunicación Categoría:Nados en 1947