miniatura A provincia de Muchinga é unha das dez provincias de Zambia. Atópase no nordeste do país e ten fronteiras coa provincia do Norte e Tanzania polo norte, Malawi polo leste, a provincia Oriental polo sur, a provincia Central polo suroeste e a provincia de Luapula polo oeste. A capital provincial é Chinsali.
O nome da provincia provén dos montes Muchinga.
Xeografía A provincia ten unha forma alongada, en dirección suroeste a nordés e está situada entre os montes Muchinga, que serven como unha división entre as concas do río Zambeze (océano Índico) e o río Congo (océano Atlántico). Os principais ríos da provincia son o río Luangwa, un importante afluente do Zambeze, e o río Chambeshi, afluente do lago Bangweulu, na conca de drenaxe do Congo. A fonte do Luangwa atópase na provincia.
Tres parques nacionais atópanse na provincia: o Parque nacional Lavushi Manda, o Parque nacional Luangwa do Norte e o Parque nacional Luangwa do Sur. Este último compártese coas provincias Central e Oriental.
Historia A creación da provincia foi anunciada polo presidente Michael Sata en outubro de 2011. En novembro de 2011, o presidente nomeou a Malozo Sichone como ministro da provincia de Muchinga. O Parlamento aprobou a creación da provincia nunha data posterior.
A provincia constaba orixinalmente de cinco distritos. O distrito de Chama foi trasladado da Provincia Oriental, e os outros catro distritos foron transferidos da Provincia do Norte. En 2013, o distrito de Mafºinga foi creado segregándose do distrito de Isoka.
Distritos Posúe doce distritos:2022 Census of Population and Housing - Zambia Chinsali Isoka Kanchibiya Lavushimanda Mafinga Mpika Nakonde Shiwang’anduleft|250px
Notas
Muchinga