Begoña Huertas Uhagón, nada en Xixón o 4 de agosto de 1965 e finada en Madrid o 24 de novembro de 2022, foi unha escritora, ensaísta, novelista e filóloga española.
Traxectoria Huertas doutorouse en Filoloxía hispánica pola Universidade Autónoma de Madrid (UAM). Posteriormente, traballou nesta mesma universidade na coordinación e seguimento dos cursos de verán. Foi profesora convidada na Universidade de Míchigan, en Ann Arbor (Estados Unidos). Foi bolseira investigadora da Unidade de Estudos Autobiográficos da Universidade de Barcelona.
Traballou no sector da edición e colaborou en diversos medios, como ElDiario.es, Público ou El Estado Mental, como articulista e columnista de opinión. Tamén impartiu o taller de Escritura Creativa no Máster de Humanidades da UAM e foi profesora de escritura en Hotel Kafka. En 2019, obtivo a bolsa MAEC-AECID da Axencia Española de Cooperación Internacional para o Desenvolvemento para a Academia de España en Roma.
Como escritora, en 1993, gañou o Premio Casa das Américas pola súa obra Ensayo de un cambio: la narrativa cubana en la década de los 80 (1994). É autora do libro de relatos A tragos (1996) e as novelas Déjenme dormir en paz (1998), Por eso envejecemos tan deprisa (2001), En el fondo. Pide una copa, paga Proust (2009), Una noche en Amalfi (2012) e El desconcierto (2017). Tras o seu falecemento en 2022, a Editorial Anagrama publicou a súa obra El sótano (2023).
Obra
Ensaio 1994 – Ensayo de un cambio: la narrativa cubana en la década de los 80. Casa de las Américas. Libros de relatos 1996 – A tragos. Editorial Debate. ISBN 9788483060407. Novelas 1998 – Déjenme dormir en paz. Editorial Debate. ISBN 9788483061121. 2001 – Por eso envejecemos tan deprisa. Editorial Debate. ISBN 9788483063873. 2009 – En el fondo. Pide una copa, paga Proust. 451 editores. ISBN mkt0003952858. 2012 – Una noche en Amalfi. El Aleph. ISBN 9788415325420. 2017 – El desconcierto. Rata Books. ISBN 9788416738311. 2023 – El sótano. Editorial Anagrama. ISBN 978-84-339-0167-5.
Notas
Categoría:Nados en Xixón Categoría:Nados en 1965 Categoría:Finados en 2022 Categoría:Filólogos de España Categoría:Escritores de Asturias Categoría:Escritores en lingua castelá Categoría:Alumnos da Universidade Autónoma de Madrid