A Caixa de Aforros e Monte de Piedade Municipal de Vigo, abreviadamente Caixa de Aforros de Vigo (CAV) e renomeada Caixavigo na súa última etapa, foi unha entidade financeira galega con sede en Vigo, fundada en 1880 por iniciativa do concello da cidade co obxectivo de fomentar o aforro popular e facilitar o acceso ao crédito entre as clases traballadoras. Ao longo da súa historia converteuse nunha das principais institucións financeiras de Galicia, desenvolvendo unha intensa actividade bancaria e de obra social.

No ano 2000 integrouse en Caixanova, entidade resultante da fusión coa Caixa de Aforros Provincial de Ourense e a Caixa de Aforros Provincial de Pontevedra.

Historia

Foi creada en 1880 como unha iniciativa promovida polo Concello de Vigo, seguindo o modelo doutras caixas municipais xurdidas en diferentes cidades españolas durante a segunda metade do século XIX. A súa finalidade principal era incentivar o aforro entre a poboación e proporcionar servizos financeiros accesibles aos sectores con menores recursos económicos.

Inicialmente, o seu labor estivo moi vinculado ao empeño e o monte de piedade, proporcionando pequenos créditos ás clases traballadoras para evitar a usura.

Nas primeiras décadas do século XX experimentou un crecemento sostido, favorecido pola expansión económica da cidade, impulsada polo porto, a industria conserveira e, posteriormente, pola construción naval. A entidade ampliou progresivamente a súa rede de oficinas tanto en Vigo como noutras localidades do sur de Galicia.

Durante a segunda metade do século XX consolidouse como unha das principais caixas galegas, diversificando a súa oferta de produtos financeiros e incrementando a súa participación no financiamento de familias, empresas e administracións públicas.

Obra social miniatura|Teatro García Barbón, propiedade da Caixa de Aforros. Como o resto das caixas de aforros, destinaba unha parte dos seus beneficios ao financiamento de actividades de carácter social, cultural, educativo e asistencial. Entre as actuacións desenvolvidas figuraban o apoio a institucións benéficas, a organización de actividades culturais, a conservación do patrimonio histórico e artístico e a promoción de iniciativas educativas: Adquisición en 1970 e restauración do histórico Teatro García Barbón, que se converteu nun epicentro cultural da cidade. Promoción inmobiliaria: Construción do polígono de Coia. Educación e formación: Creación de escolas de negocios (como a Escola de Negocios Caixanova) e centros de formación profesional como o Colexio Fogar. Patrimonio artístico: Creación dunha importante colección de arte galega contemporánea, a Colección Afundación. Edición de libros.Ficha da Caja de Ahorros Municipal de Vigo na páxina web da Biblioteca Nacional de España.

A obra social da entidade contribuíu tamén á creación e mantemento de equipamentos culturais e á colaboración con asociacións e colectivos da área de influencia da caixa.

Fusións

No marco do proceso de concentración das caixas de aforros galegas, a Caixa de Aforros Municipal de Vigo fusionouse no ano 2000 coa Caixa de Aforros Provincial de Pontevedra e coa Caixa de Aforros Provincial de Ourense, dando lugar á creación de Caixanova, mantendo a súa sede operativa e social na cidade de Vigo.

Máis tarde, en 2010, esta entidade integraríase con Caixa Galicia no proceso que deu lugar a Novacaixagalicia, o posterior banco Abanca.

Cargos directivos miniatura|Xulio Fernández Gayoso, director executivo. Ao longo da súa historia, a presidencia da entidade estivo vinculada, especialmente nas súas primeiras décadas, á representación municipal, evolucionando posteriormente cara a un modelo de goberno propio das caixas de aforros conforme á lexislación vixente en cada período.

Algúns dos cargos directivos foron ocupados sucesivamente polas seguintes persoas: Manuel Bárcena Franco (alcalde, fundador). Miguel Fernández Lema (alcalde) Adolfo Gregorio Espino (alcalde) Mauro Alonso Cuenca (alcalde) Rafael Portanet (alcalde) Antonio Ramilo (alcalde) Joaquín García Picher (derradeiro alcalde que exerceu como presidente) Xulio Fernández Gayoso, director executivo desde 1965 José Luis Pego, director xeral.

Nótese a ausencia total de mulleres nos postos de máxima responsabilidade.

Sedes propias sucesivas Edificio de 1925 en r/ Velázquez Moreno esquina Ronda de Don Bosco, de Manuel Gómez Román.Alonso, Julio (7/3/2022). "Vigo en 1925" vigoe.es . Casas de Manuel Bárcena Franco,"Casas de Manuel Bárcena Franco" Concello de Vigo. de 1930 a 1955. Edificio na Avenida de García Barbón 1 e 3, do arquitecto Antonio Cominges, desde 1955."Edificio da Sede Central de Abanca" Concello de Vigo.

Galería de imaxes

Notas

Véxase tamén

Bibliografía

Outros artigos

Banco Gallego NCG Banco Novagalicia Banco Abanca Colección Afundación Confederación Española de Cajas de Ahorros

Ligazóns externas

Categoría:Abanca Categoría:1880 en Galicia Categoría:Historia de Vigo