O cianuro de sodio ou cianuro sódico (NaCN) é o sal sódico do ácido cianhídrico (HCN). Trátase dun composto sólido e incoloro que hidroliza facilmente en presenza de auga e óxido de carbono (IV) para dar carbonato de sodio e ácido cianhídrico:
2 NaCN + H2O + CO2 -> Na2CO3 + 2 HCN
En auga disólvese cun pH básico.
Datos fisicoquímicos
Fórmula: NaCN Masa molecular: 49,01 g/mol Punto de fusión: 563,7 °C Punto de ebulición: 1.496 °C Densidade: 1,60 g/ml Nº CAS: 143-33-9
Aplicación
O cianuro de sodio emprégase sobre todo en minaría para extraer o ouro e a prata da rocha nai.
Analítica
Co nitrato de prata fórmase un precipitado de cianuro de prata que se redisolve en presenza de exceso de cianuro. Cun defecto de sulfato ferroso (FeSO4) fórmase tras acidular un precipitado de azul de Prusia. Esta reacción libera ácido cianhídrico que é altamente tóxico. Con ións de cobre fórmase un precipitado de cianuro de cobre(I) e libérase dician (NC-CN) que é moi tóxico. O ión sodio pola cor característica en chama.
Eliminación O cianuro de sodio é posíbel eliminalo con sulfato de ferro formando hexacianoferratos ([Fe(CN)6]3- ou [Fe(CN)6]4-)
Categoría:Química