O Club Deportivo El Nacional é unha entidade deportiva ecuatoriana da cidade de Quito, fundada o 1 de xuño de 1964, máis coñecida pola súa sección de fútbol, unha das máis importantes do país con 13 títulos da Liga ecuatoriana. Trátase dun club vinculado ás Forzas Armadas, que patrocinan ó club, cuxos socios son maioritariamente membros activos ou retirados de dita institución. O club caracterízase por ter só xogadores de nacionalidade ecuatoriana.
Outras seccións deportivas do club adícanse ó baloncesto, á ximnasia e ó tenis de mesa.
A maior rivalidade deportiva do CD El Nacional é a que mantén co LDU Quito, xa que ámbolos dous equipos son os máis laureados e seguidos da capital do país, aínda que tamén mantén moita rivalidade co Barcelona SC, co CS Emelec e co Deportivo Quito.
O equipo de fútbol disputa os seus encontros como local no Estadio Olímpico Atahualpa, recinto que comparte co Deportivo Quito e coa selección de Ecuador, e que foi construído polo consistorio de Quito. Foi inaugurado o 25 de novembro de 1951, e actualmente ten capacidade para acoller a 40.000 seareiros. Ademais de ter o terreo de xogo para os encontros de fútbol, conta cunha pista de atletismo sintética.
Nas 23 participacións do club na Copa Libertadores, o seu mellor resultado foi a semifinal no ano 1985. En 1970 foi finalista da Recopa Suramericana. Esa final foi a primeira dun equipo ecuatoriano nunha competición continental da Conmebol.
Palmarés Continental Recopa Suramericana (0) = - Subcampionatos (1) = 1970 Nacional Serie A de Ecuador (13) = 1967, 1973, 1976, 1977, 1978, 1982, 1983, 1984, 1986, 1992, 1996, Clausura 2005, 2006 Subcampionatos (7) = 1964, 1972, 1974, 1994, 1999, 2000, 2001
Xogadores 300px|miniatura|dereita|Estadio Olímpico Atahualpa.
Véxase tamén Ligazóns externas Páxina oficial do CD El Nacional
Nacional