Al-Khader (arabisk الخضر) er ein palestinsk by i Betlehem guvernement sør på den sentrale Vestbreidda. Han ligg 5 km vest for Betlehem. I følgje Palestinsk statistisk sentralbyrå hadde byen eit folketal på 9 774 i 2007.2007 PCBS Census Palestinsk statistisk sentralbyrå. s.117. I området kring al-Khader vert det dyrka vindruer, oliven og fiken.Al-Khader Old Core. The Centre for Cultural Heritage Preservation.
Historie Staden der al-Khader var først busett av kanaanittar. I 1953 vart det funne fem spydspissar frå 1000-talet fvt. med kanaanittisk inskripsjon. Inskripsjonen tyda «pila til 'Abd Labi't».Drews, Robert. (1993). The End of the Bronze Age: Changes in Warfare and the Catastrophe Ca. 1200 B.C. Princeton University Press, s.189. ISBN 0-691-02591-6.
Al-Khader er kallla opp etter St. Georg som i arabisk kultur vert kalla «al-Khadr.» I følgje ei lokal seg vart St. Georg sett i fengsel i byen der det noverande St. Georg-klosteret står. Kjettingane som heldt han fast vart relikviar som vart sagt å ha lækjande krefter.Sennott, Charles M. (2001). The Body and the Blood: The Holy Land's Christians at the Turn of a New Millennium : a Reporter's Journey PublicAffairs, s.397. ISBN 1-891620-95-9.
Seint i osmansk styre (1516-1917), var al-Khader ein del av Bani Hasan sjeikdøme og nahiyah, som art styrt av Absiyeh-familien frå al-Walaja. I 1838 vart innbyggjarane klassifisert som muslimar av den engelske bibelforskaren Edward Robinson og Eli Smith.Robinson and Smith, 1841, s. 123. Seint på 1800-talet vart al-Khader skildra av Palestine Exploration Fund i Survey of Western Palestine som ein mellomstor landsby med ei «gresk kyrkje og kloster.» Han var omgjeve av vindruer og olivenlundar og «gravholer hogde ut i berget» nord for landsbyen.
Etter bygginga av Israel si sperring på Vestbreidda kring al-Khader, er fleire tusen mål med jordbruksjord blitt skild frå landsbyen, og landsbybuarane har ikkje tilkomst til dette området utan løyve.
Kjelder
Denne artikkelen bygger på «Al-Khader, Bethlehem» frå , den 1. oktober 2015. oppgav desse kjeldene:
Bakgrunnsstoff
Kategori:Byar på Vestbreidda