«Downtown» er ein song skriven av Tony Hatch og spelt inn av Petula Clark i 1964. Songen vart ein internasjonal hit og nådde toppen av Billboard Hot 100 og andreplassen på UK Singles Chart i Storbritannia. Hatch fekk i 1981 Ivor Novello-prisen for beste song.Lister, David, Pop ballads bite back in lyrical fashion, The Independent, 28. mai 1994
Songen er blitt spelt av mange andre artistar, som Dolly Parton og Emma Bunton.
Bakgrunn
Tony Hatch hadde først arbeidd med Petula Clark som asissternt for den faste produsenten hennar, Alan A. Freeman, på hitten «Sailor» i 1961. I 1963 tok Hatch over som den faste produsenten hennar, og dei spelte inn fem engelskspråkelge singlar som alle selde dårleg.
Hatch skreiv songen medan han var i New York City hausten 1964, inspirert av ein tur i sentrum. Hatch hadde hatt stor suksess med songen «Sugar and Spice», som vart spelt inn av The Searchers og hadde produsert ein Drifters-song, «Up on the Roof» for Julie Grant. Grant skal ha tilbode «Downtown» til Grant, men vart avvist, Hatch presenterte så songen for Clark i Paris for ei innspeling i London den 16. oktober 1964.
«Downtown» vart spelt inn i Pye Studios i Marble Arch. Med på innspelinga var åtte fiolinistar, to bratsjspelarar og to cellistar, fire trompetistar, fire på trombone fire på fløyte og obo, ein bassist og ein pianist, i tillegg til gitaristane Vic Flick, Jimmy Page og Big Jim Sullivan, og trommeslagaren Ronnie Verrell, medan The Breakaways song korvokal.
Utgjeving Singelen kom ut i både USA og Storbritannia og vart rekna som «ein særs engelsk innspeling, perfekt som ein observasjon av Amerika frå utsida.» «Downtown» steig til andreplassen på den britiske singellista i desember 1964 og låg der i tre veker, halde unna førsteplassen av The Beatles sin «I Feel Fine». Ho fekk gullplate for over ein halv million selde singlar i Storbritannia. Songen nådde òg anreplasen i Irland og toppen av salslistene i Australia, New Zealand, Rhodesia og Sør-Afrika, og vart òg ein hit i Danmark (#2), India (#3), Nederland (#4) og Noreg (#8).
Størst suksess fekk derimot «Downtown» i USA der han kom ut i november 1964. 23. januar 1965 låg singelen på toppen av Billboard Hot 100-lista og låg der ei veke til, før han vart erstatta av The Righteous Brothers sin «You've Lost That Lovin' Feelin'». Petula Clark vart dermed den første kvinnelege, britiske artisten som nåde toppen av den amerikanske singellista i rock and roll-tida og den andre totalt sett etter Vera Lynn haddee nådd toppen av lista med «Auf Wiederseh'n Sweetheart» i 1952. «Downtown» og Clark fekk òg gullplate i USA for over ein million selde eksemplar. Dette var òg første gongen for ein kvinnelege, britisk artist.
Clark spelte så inn «Downtown» på ei rekkje andre språk for marknadane i Frankrike, Italia, Spania Tyskland.
Salslister og salstrofé
Salslister Liste (1964–65) PlasseringNew Zealand (Lever Hit Parades)1
Salstrofé
Downtown '88
I 1988 vart den originale songen miksa og gjeven ut som «Downtown '88». Denne vart ein hit i Storbritannia og nådde òg listene i ei rekkje andre land: Australia (#58), Belgia (Flandern #19), Finland (#3), Tyskland (#13) og Irland (#14).
Salslister Liste (1988) Plassering
Petula Clark har sidan spelt inn «Downtown» sju gonger.
Dolly Parton-versjonen Dolly Parton spelte inn «Downtown» i Nashville i oktober 1983 for albumet The Great Pretender. Versjonen hennar nådde 36. plassen på Billboard C&W-lista og 80. plassen på Hot 100-lista. Så langt er ette den siste solosingelen til Parton som har nådd Hot 100.
Salslister Liste (1984)PlasseringUS Billboard Hot Country Singles36US Billboard Hot 10080US Billboard Hot Adult Contemporary Tracks20Canadian RPM Country Tracks20
Emma Bunton-versjonen Emma Bunton frå Spice Girls spelte inn «Downtown» i 2006 som den offisielle BBC Children in Need-singelen. Singelen nådde 24. plassen på den britiske singellista i november 2006.
Salslister
Liste (2006)Plassering UK Singles Chart3 Slovakia (IFPI)13Eurochart Hot 100 Singles32 Ukraina (FDR Pop) 6Irish Singles Chart36 Ukraina (FDR Dance) 7Scottish Singles Chart2
Andre versjonar Andree artistar som har gjeve ut songen er mellom andre Isabella Bond, Anine Stang som «Luces de la ciudad» (spansk), Lourdes Baledón som «Al centro de la ciudad» (spansk), Hermanas Benítez som «Chao Chao» (spansk), Hugo Blanco på albumet sitt Bailables con Hugo Blanco som «Ciao Ciao» (italiensk), Celly Campello som «Não me abandone» (portugisisk), Chris Connor på albumet hennar Sings Gentle Bossa Nova, Dick Contino på albumet sitt Dick Contino Plays & Sings the Hits, Xavier Cugat & his orchestra på albumet sitt Feeling' Good!, Danny som «Kauan» (finsk), Marianne Faithfull på albumet hennar Marianne Faithfull, Ferrante & Teicher, Eddie Fisher, Gelu, The Tony Hatch Sound, Bianca Holl, Margot Lefebvre, The Lettermen, Enoch Light & the Light Brigade, Gerry Mulligan, The Osmond Brothers, Franck Pourcel et Son Grand Orchestre, Billy Preston, Shirley Scott, Sandie Shaw, Allan Sherman som «Crazy Downtown», Alvin and the ChipmunksThe Knickerbockers, John Barry, Ray Conniff Singers, Frank Sinatra på albumet sitt Strangers in the Night, Connie Smith, Bob Florence Big Band, Siw Malmkvist, Jackie Trent, Klaus Wunderlich, The B-52's, Stacy Lattisaw, Christine Lavin, Anita Meyer, Mary Chapin Carpenter, The Candyskins, Sarah Cracknell, Liz Callaway, Yo La Tengo, James Last og Tina Arena
Kjelder Denne artikkelen bygger på «Downtown (Petula Clark song)» frå , den 3. april 2018.
Bakgrunnsstoff
Kategori:Songar frå 1964 Kategori:Singlar frå 1964 Kategori:Singlar frå 1984 Kategori:Singlar frå 2006 Kategori:Songar skrivne av Tony Hatch Kategori:Petula Clark-songar Kategori:Grammy Hall of Fame Award Kategori:Nummer-ein-singlar i Canada Kategori:Nummer-ein-singlar i Tyskland Kategori:Nummer-ein-singlar i Italia Kategori:Nummer-ein-singlar i Australia Kategori:Songar på toppen av Billboard-lista Kategori:Pye Records-singlar Kategori:Warner Bros. Records-singlar Kategori:MCA Records-singlar Kategori:Dolly Parton-songar Kategori:Emma Bunton-songar Kategori:Irene Cara-songar Kategori:Marianne Faithfull-songar Kategori:Ferrante & Teicher-songar Kategori:Eddie Fisher-songar Kategori:The Lettermen-songar Kategori:Enoch Light-songar Kategori:The Osmonds-songar Kategori:Sandie Shaw-songar Kategori:Alvin and the Chipmunks-songar Kategori:Frank Sinatra-songar Kategori:Connie Smith-songar Kategori:Klaus Wunderlich-songar Kategori:The B-52's-songar Kategori:Mary Chapin Carpenter-songar Kategori:Yo La Tengo-songar Kategori:James Last-songar Kategori:Tina Arena-songar