Gianluigi Buffon () er ein italiensk fotballspelar. Buffon har spela som keeper for Juventus og det italienske landslaget.

Klubbkarriere Buffon vart fødd i Carrara i Toscana. Han starta karrieren i Parma i 1995. Han fekk debuten sin i Serie A mot AC Milan, 19. november 1995, berre 17 år gammal. Han var med på å vinna UEFA-cupen med Parma i 1999. I juli 2001 gjekk han til Juventus for om lag 400 millionar kroner, som den dyreste keeperen gjennom tidene, til då.

I 2004–05 hjelpte Buffon Juventus til laget sin tredje Serie A-tittel på fire sesongar. Buffon sine utrolige redningar i den avgjerande kampen mot AC Milan var med på å avgjera kampen. Men denne tittelen, saman med neste års tittel, vart trekt attende etter dommarskandalen i 2006.

Då Juventus vart flytta ned til Serie B, valde Buffon å bli i klubben, trass i at han kunne gått til ei rekkje andre klubbar. Kontrakten med Juventus vart våren 2007, då klubben var sikra opprykk til Serie A igjen, forlenga til 2012. «Juve duo stay on», artikkel i Calcio Italia No. 143 (juli 2007) I 2009 vart kontrakten forlenga til 2013. Han var med på å vinna Serie A med Juventus i 2012, 2013 og 2014.

Landslagskarriere

Buffon debuterte for landslaget i ein VM-kvalifiseringskamp mot Russland 29. oktober 1997.

Etter å ha vore reserve for Gianluca Pagliuca under VM i 1998 og gått glipp av EM i 2000 grunna skade, starta Buffon for Italia under VM i 2002 og EM i 2004.

I VM i 2006, som Italia vann, vart Buffon kåra til beste keeper og fekk Lev Jasjin-prisen. Under fotball-EM i 2008 var Buffon Italia sin landslagskaptein.

Involvering i dommarskandalen 2006

12. mai 2006 vart det påstått at fire Juventus-spelarar var mistenkte for å ha satsa pengar på kampar som dei sjølve hadde spelt i. To av dei skulle ha vore stjernene Gianluigi Buffon og Fabio Cannavaro, ifølgje den svenske avisa Expressen,, som nemner to cupkampar mot Atalanta i 2006 og i 2005 der Juventus tapte. Buffon vart frikjend.

Referansar

Denne artikkelen begynte med stoff frå bokmålswikipediaen og Engelsk Wikipedia den 11. mars 2010.

Kategori:Italienske fotballspelarar Kategori:Parma-spelarar Kategori:Juventus-spelarar Kategori:Målvakter i fotball Kategori:Spelarar i Fotball-VM 1998 Kategori:Spelarar i Fotball-VM 2002 Kategori:Spelarar i Fotball-EM 2004 Kategori:Spelarar i Fotball-VM 2006 Kategori:Spelarar i Fotball-EM 2008 Kategori:Spelarar i Fotball-VM 2010 Kategori:Spelarar i Fotball-EM 2012 Kategori:Spelarar i Fotball-VM 2014 Kategori:Spelarar i Fotball-EM 2016