vinheta|Fotografia d'un Minitel. L'expression Minitel ròse designa totes los servicis de messatjariás ròsas desvolopats pel Minitel, serivici telematic francés d’abans Internet. Lo nom de Minitel ròse ven del sèxe per telefòn que se sona en França Téléphone rose a causa de l'associacion de la color ròse a l'erotisme e la sexualitat.

Qualques entrepreneires faguèron fortuna dins aqueste sector coma lo PDG de Free, Xavier Niel, amb lo servici Minitel 3615 ULLA..

Descripcion Extrach de l'entrevista d'un responsable de societat de telematica : « Internet a pas lo costat sulfurós del minitel », çò estima Vincent Hutin. Coma es incapable de mostrar la mendra fotografia, tot es dins la suggestion. Autre avantatge del minitel ròse : un sentiment d'anonimat. « Lo minitel permet pas d'identificar los utilizaires, al contrari d'Internet que daissa de traças mai aisidament. Lo minitel es extrèmament discrèt ».

Exemples de servicis provesits :

dialòg en dirècte amb d'autres utilizaires per de messatges corts, a la faiçon d'una messatjariá instantanèa ; messatjariá (corrièr electronic entre los utilizaires del meteis servidor) ; anóncias pichonas.

Polemicas En 1992, los servicis de Minitel ròse contunhavan de pausar de problèmas a l'autoritat e a las associacions familialas, èra per exemple « demandat a France Télécom, dins la preocupacion de satisfar las associacions familialas, de promòure los sistèmas de contraròtle d'accès al Minitel : cadenàs sul Minitel de basa, senhal ».

Trucs permetent d’aumentar lor rentabilitat Coma aquel servici èra facturat per minuta coma lo telefòn, divèrsas practicas mantengudas silenciosas permetián d’alongar lo temps de connexion dels clients .

En 2007, lo PDG d'una entrepresa qu'aviá trabalhat dins aqueste sector indica dins un comentari d'un article sul Web, que « Es pasmens probable que la proporcion de trafic animat per de robòts, d'animators, o de falsas inscripcions foguèsse sensiblament mai elevada sus Minitel (20 a 35 % del trafic) que sus Internet (5 a 10 % del trafic). »

Exemples

De convèrsas falsas : qualques servicis utilizavan d'emplegats, nomenats òstes e òstessas, per téner de convèrsas amb de desenats de clients mascles, alongant aital lor temps de connexion e portant d'argent als operators que fan aquel negòci. Animator enganant sus son genre : la màger part dels emplegats mascles trabalhavan jos un pseudonim femenin . Cal notar que i aviá tanben d’animatrises de sèxe feminin. Utilizacion de « robòts de logicials » ( Bot ) subrenommats « fantasmas » : pendent las annadas 1990, de logicials (amagats jos de pseudonims ) èran capables de realizar d’unes prètzfaches diches d'animacion, consistent a mandar de messatges preenregistrats (exemple : « Adieu. Cossí vas ? »...) Un mescladís de clients de divèrses còdes 3615 : las entrepresas (possedissent divèrses noms de servicis distints) agropavan los utilizaires connectats sus las meteissas listas de discutida en dirècte per fin d'aumentar artificialament lo nombre d'utilizaires simultanèus. L'afichatge de las paginas s'alentiguèt a causa de l'afichatge de paginas intermediàrias de grafics erotics (malgrat la definicion d'imatge fòrça marrida d'un ecran Minitel) que se poguèt pas interrompre (las tòcas Minitel foguèron pas pus presas en compte fins que los grafics foguèsson complètament afichats).

Dins la ficcion 3615 Monique, seria sortida en 2020 sus OCS, retraça l'istòria de tres joves estudiants que montèron lo primièr servici de Minitèl ròse gràcias a una experimentacion locala. La seria desvolopa l'impacte d'aquela novèla tecnologia sus la societat francesa de las annadas 1980 entre liberacion sexuala e eleccion de François Mitterrand.

3615 Ulla se rendèt celèbre per un vintenat d'annadas de campanhas de publicitat. 3615 Ulla foncionèt fins a la fin del Minitel en 2012. En 1991, Les Inconnus citan 3615 Ulla dins lor cançon a succès C'est toi que je t'aime (vachement beaucoup). En 2017, Seth Gueko cita 3615 Ulla sul tròç Grand Paris de l’album Prose Élite. Categoria:Telefonia Categoria:Telefòn Categoria:Masturbacion Categoria:Teletel Categoria:Tecnologia Categoria:Telecomunicacions