То́мас Белл ( Thomas Bell) быв америцкый романописець русинского походжѣня.Микола МушинкаНаталия Малецка-Новак
Биография Томаш Адалберт Белейчак родив ся 7. марца 1903 в Бреддоку, Пенсилвания, США во фамилии русинскых емигрантох Михала Белейчака и Марии Крачун з Нижнього Тварожця, окрес Бардѣйов в даколишном Мадярском кральовствѣ (днесь Словакия).
Працовав в тамошных оцѣлярнях од пятнадцять рокы як ученик електрика. В року 1922 одышов до Ню Йорка, де перепробовав вшелиякы роботы: механика, матроза торговой шифы, продавача в книгкупецтвѣ.
В року 1930 опубликовав свой первый роман The Breed of Basil (Васильов род), а од року 1933 живив ся писательством. Од року 1955 з женов Марийов жили в Калифорнии.
Томаш Адалберт Белейчак умер 17. януара 1961 на раковину. Погребеный в городѣ Санта Круз, Калифорния.
Творба По первом романѣ — The Breed of Basil (Васильов род, 1930) — написав еще пять романы. The Breed of Basil (Васильов род), 1930 The Second Prince (Другый принц), 1935 All Brides Are Beautiful (Вшиткы невѣсты суть прекрасны), 1936 Out of This Furnace (Гет з того пеца), 1941 Till I Come Back to You (Покля ся не верну ку тобѣ), 1943 There Comes a Time (Приходить час), 1946
Дакотры его творы были нафилмованы и театрализованы: филмова верзия All Brides Are Beautiful под назвов From This Day Forward (Однынѣ), 1946From This Day Forward театрална верзия Till I Come Back to You на Бродвею под назвов The World Is Full of Girls (Свѣт е повный дѣвок) найновша филмова верзия на мотивы Out of This Furnace накручена в Бреддоку, Пенсилвания, 2013.
Послѣдны рокы своей хвороты описав в мемоарах In the Midst of Life (В половцѣ живота), котры вышли посмертно (выдавательство Atheneum, 1961).
Роман Out of This Furnace (Гет з того пеца), 1941 перевыдавав ся в роках 1968, 1976, 1991. По перевыданю в выдавательствѣ University of Pittsburgh Press в року 1976 авторова популарность драматично выросла. Выданя продало ся в накладѣ 200 тыс. екземплары и стало ся бестселером научного выдавательства University of Pittsburgh Press. Оно служить як учебна приручка во веце як 300 коледжах США, де ся читать курс истории трудовой имиграции.
Жерела и одказы
Tomáš Adalbert Belejčák (Bell). //Rusínske kalendárium (архив) Наталия Малецка-Новак: Thomas Bell – an American writer, a Rusyn Микола Мушинка: Белл Томас //Енциклопедія Сучасної України, 2003 (Фото)
Референции
Катеґорія:Русиньскы Америчане Катеґорія:Англоязычны писателе